ფრაქცია „ნაციონალური მოძრაობის“ თავმჯდომარე რომან გოცირიძე გენერალური პროკურორის შალვა თადუმაძის ლექტორებს "საჯაროდ გამოჩენისკენ" მოუწოდებს. 

დეპუტატი, გენპროკურორის კურსელების მსგავსად რესტორანში ლექტორებსაც ეპატიჟება.  

„თამასა ავწიე უფრო მაღლა. როცა არცერთი მისი კურსელი არ გამოჩნდა, ახლა სახინკლეზე უფრო მაღალი რანგის რესტორანში ვეპატიჟები, ოღონდ ამჟამად მის ლექტორებს. თუ რომელიმე ლექტორი გამოჩნდება, მთაწმინდის პარკში, ყველაზე მაღალი სიმაღლიდან დავლოცავთ თადუმაძის ლექტორებს. თუკი ასეთი ერთი ადამიანი მაინც გამოჩნდა“, - განაცხადა გოცირიძემ.

ცნობისთვის, 9 ოქტომბერს იურიდიულ საკითხთა კომიტეტის სხდომაზე გენერალურ პროკურორსა და უზენაესი სასამართლოს მოსამართლეობის კანდიდატს შალვა თადუმაძეს უსმენდნენ. მოსმენის დროს, კონკრეტულ დეპუტატებს თადუმაძის დიპლომთან დაკავშირებით კითხვები ჰქონდათ. ამ კონტექსტში, რომან გოცირიძემ გენერალური პროკურორის ყველა კურსელი სახინკლეში დაპატიჟა. 

მოამზადა ლიკა ბესელიამ

ავტორი: ექსპრესნიუსი,

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია