სასამართლომ მაკო გომურს და სხვა დაშავებულებს დაზარალებულის სტატუსი არ მიანიჭა - ამის შესახებ არასამთავრობო ორგანიზაცია „ახალგაზრდა იურისტთა ასოციაციის“ თავმჯდომარემ სულხან სალაძემ განაცხადა.

მისი თქმით, სასამართლოს გადაწყვეტილება უკანონოა და არასამთავრობო ორგანიზაცია დაზარალებულთათვის სტატუსის მისანიჭებლად ყველა მექანიზმს გამოიყენებს.

„მას შემდეგ, რაც პროკურატურამ უარი განაცხადა დაზარალებულად ეცნო 20 ივნისის საქმეზე დაშავებული 16 პირი, ჩვენ თბილისის საქალაქო სასამართლოს მივმართეთ და მოვითხოვეთ მათთვის დაზარალებულის სტატუსის მინიჭება. მთავარი, რაც სასამართლოს დღევანდელი გადაწყვეტილებისგან მივიღეთ არის ის, რომ პრაქტიკულად, სასამართლო აგრძელებს იგივე ხაზს, რასაც ამბობდა გამოძიება და ამბობს, რომ 20-21 ივნისის მოვლენების დროს სახელმწიფოს წარმომადგენლების მხრიდან დანაშაული არ მომხდარა. პირველ რიგში ვთვლით, რომ ეს გადაწყვეტილება უკანონო და დაუსაბუთებელია და ასევე ჩვენ გამოვიყენებთ ყველა მექანიზმს როგორც ქვეყნის შიგნით, ასევე მის გარეთ იმისათვის, რომ დაზარალებულების სტატუსი იყოს ეფექტურად დაცული. ამიტომაც, რაც უფრო გააჭიანურებს ხელისუფლება ამ პროცესს მით უფრო ძვირი დაუჯდება სამართლებრივად“, - განაცხადა სულხან სალაძემ.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა