2019-10-28 16:19:12, 2994 ნახვა
სამართალი
20 ივნისის საქმეზე დაკავებული კახა ღავთაძე სასამართლოს დარბაზიდან გაათავისუფლეს
20 ივნისის საქმეზე დაკავებული კახა ღავთაძე სასამართლო სხდომათა დარბაზიდან გაათავისუფლეს.
თბილისის საქალაქო სასამართლოს მოსამართლის გიორგი არევაძის გადაწყვეტილებით, მას აღკვეთი ღონისძიების სახით 2 000-ლარიანი გირაო შეეფარდა.
კახა ღავთაძის მიმართ აღკვეთი ღონისძიების სახით გირაოს შეფარდების შუამდგომლობა დაცვის მხარემ დააყენა, რომელსაც ბრალდების მხარე დაეთანხმა. დღევანდელ სასამართლო სხდომაზე კახა ღავთაძემ ბრალი აღიარა.
შეგახსენებთ, 20 ივნისის საქმეზე გამოძიება სისხლის სამართლის კოდექსის 225-ე მუხლით მიმდინარეობს, რომელიც ჯგუფურ მოქმედებაში მონაწილეობას გულისხმობს, რასაც თან ახლდა რბევა, ძალადობა, სხვისი ნივთის დაზიანება და განადგურება, ხელისუფლების წარმომადგენლისადმი წინააღმდეგობა და მასზე თავდასხმა.
მოამზადა გიორგი ჩაფიძემ
ავტორი: ექსპრესნიუსი,
epn.ge (@expressnews.ge)
