|
2019-10-25 12:36:08, 2800 ნახვა
ეკონომიკა
IFAD-ის სტრატეგიულ ფორუმზე საქართველოში განხორციელებული პროქტი ერთ-ერთ საუკეთესოდ დასახელდა
თურქეთის ქალაქ სტამბოლში, სოფლის მეურნეობის განვითარების საერთაშორისო ფონდის (IFAD) სტრატეგიულ ფორუმზე საქართველოში განხორციელებული პროქტი ერთ-ერთ საუკეთესოდ დასახელდა. „IFAD-ის ფინანსური მხარდაჭერით მიმდინარე სოფლის მეურნეობის მოდერნიზაციის, ბაზარზე წვდომის და მოქნილობის პროექტი (AMMAR) ერთ-ერთ ყველაზე წარმატებულ პროექტად აღიარეს. გამარჯვებული ჩრდილოეთ აფრიკის, სამხრეთ კავკასიის, ცენტრალური აზიისა და აღმოსავლეთ ევროპის 22 ქვეყანაში განხორცილებულ პროექტებს შორის გამოვლინდა. ეს არის საქართველოს გარემოს დაცვისა და სოფლის მეურნეობის სამინისტროს და პროექტის გუნდის დიდი წარმატება, IFAD-თან 20 წლიანი ნაყოფიერი მუშაობის შედეგი“, - განაცხადა სოფლის მეურნეობის განვითარების საერთაშორისო ფონდის (IFAD) პროექტის მენეჯერმა, ლალი დურმიშიძემ. სოფლის მეურნეობის განვითარების საერთაშორისო ფონდის (IFAD) სტრატეგიული ფორუმი ქალაქ სტამბოლში 22-24 ოქტომბერს გაიმართა. ფორუმს ახლო აღმოსავლეთის, ჩრდილოეთ აფრიკის, ევროპისა და ცენტრალური აზიის 20-ზე მეტი ქვეყნის 200 დელეგატი ესწრებოდა. IFAD-ის მაღალი რანგის წარმომადგენლებმა დელეგატებთან ერთად, მსოფლიოში არსებული გამოწვევების გათვალისწინებით რეგიონის განვითარების სამომავლო ხედვის ასპექტები განიხილეს. ფორუმის ფარგლებში დისკუსიები სხვადასხვა მიმართულებით გაიმართა. სოფლის მეურნეობის განვითარების საერთაშორისო ფონდის (IFAD) მიერ პრიორიტეტად დასახელდა სასოფლო-სამეურნეო საქმიანობაში ქალთა ჩართულობის გაზრდის მხარდაჭერა. „უნდა აღინიშნოს, რომ საქართველოში დაწყებულია ახალი პროექტის - „მერძევეობის მოდერნიზაციისა და ბაზარზე წვდომა“ განხორციელება, რომლის საგრანტო მიმართულება ქალებისთვის შეღავათიან პირობებს ითვალისწინებს. ჩვენ ვფიქრობთ, რომ ეს შეღავათიანი უპირატესობა ხელს შეუწყობს ქალების გააქტიურებას და მათ შესაძლებლობას მისცემს, აქტიურად დაიწყონ აღნიშნული მიმართულებით სამეწარმეო საქმიანობა“, - განაცხადა ლალი დურმიშიძემ.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



