მოძრაობის "ქვეყნის სამსახურში" ერთ-ერთმა ლიდერმა, ზუკა ბერძენიშვილმა დაზარალებულის სტატუსის მინიჭების მოთხოვნით გენერალურ პროკურატურას მიმართა, - ამის შესახებ ჟურნალისტებს თავად ბერძენიშვილმა განუცხადა.

მისი თქმით, თვეზე მეტი გავიდა დეპუტატ ემზარ კვიციანის მიერ მასზე ძალადობიდან, თუმცა დაზარალებულის სტატუსი ამ დრომდე არ აქვს მინიჭებული.

„გენერალური პროკურორის შალვა თადუმაძის სახელზე განცხადება შეგვაქვს იმის თაობაზე, რომ უკვე თვეზე მეტი გავიდა ცნობილი ემზარ კვიციანის ინციდენტის შემდეგ. ჩვენ იმავე დღესვე წარვადგინეთ უამრავი მტკიცებულება, მაგრამ გამოძიება არ მოქმედებს სამართლიანად. შესაბამისად, მე დაზარალებულის სტატუსი დღემდე არ მაქვს მონიჭებული, რაც აბსოლუტურად გაუგებარია. კვიციანისგან დავზარალდი და სხვათაშორის პოლიციელებიც დაზარალდნენ მისი ქმედებებისგან. საქმეს აქვს პრეცედენტული და პრინციპული მნიშვნელობა, რადგან დეპუტატის მანდატის და ივანიშვილის კეთილგანწყობის ქვეშ მყოფი და აქ თავშეფარებული ემზარ კვიციანი იქცევა ისე და იძლევა ისეთ მაგალითებს, რომ მან აუცილებლად უნდა აგოს პასუხი და შესაბამისად, ჩვენი წინააღმდეგობაც იქნება პრევენციული ხასიათის“, - განაცხადა ზუკა ბერძენიშვილმა.

შეგახსენებთ, 8 სექტემბერს პარლამენტის შენობასთან ინციდენტი მოხდა, რა დროსაც სამოქალაქო აქტივისტს, ზუკა ბერძენიშვილს "პატრიოტთა ალიანსის" დეპუტატი ემზარ კვიციანი ხელით შეეხო. კვიციანს მაშინ პარლამენტის შენობასთან მოძრაობა „სირცხვილიას“ აქცია დახვდა. ინციდენტის შემდეგ ემზარ კვიციანი საპატრულო პოლიციის წარმომადგენლებმა აქციიდან განარიდეს.  

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს