|
2019-10-19 10:01:00, 3278 ნახვა
ეკონომიკა
„თბილისის აბრეშუმის გზის ფორუმი“-ს ენერგეტიკის პანელს მოდერატორობას „ბლუმბერგ ევროპა“-ს დირექტორი კონსტანტინ კოტზიასი გაუწევს
22 ოქტომბერს „თბილისი აბრეშუმის გზის ფორუმი"-ს პანელს „ენერგეტიკის ხვალინდელი დღე - განვითარების ტენდენციები, აბრეშუმის გზის ენერგეტიკული სარტყელის უსაფრთხოება და მდგრადობა" მოდერაციას „ბლუმბერგ ევროპა"-ს დირექტორი/„ბლუმბერგ ლონდონი"-ს თავმჯდომარე კონსტანტინ კოტზიასი გაუწევს. კონსტანტინ კოტზიასი კომპანიის საგარეო ურთიერთობების გლობალური ხელმძღვანელი, Bloomberg Trade Repository-ის აღმასრულებელი დირექტორი და Bloomberg Tradebook-ისა და Bloomberg Multilateral Trading Facility-ის დირექტორია. ის ლონდონის მერის ეკონომიკურ მრჩეველთა საბჭოსა და პრემიერ-მინისტრის ბიზნესმრჩეველთა საბჭოს წევრია. მანამდე კონსტანტინ კოტზიასი „ბლუმბერგ"-ის იურიდიული და მარეგულირებელი ახალი ამბების და კვლევის განყოფილების აღმასრულებელი დირექტორის პოზიციას იკავებდა. „ბლუმბერგს", როგორც საბჭოს ხელმძღვანელი, 2001 წელს შეუერთდა. „ბლუმბერგ"-ში მოღვაწეობამდე ბ-ნი კოტზიასი მუშაობდა შერწყმა-გაერთიანებისა და შესყიდვების უფროს იურისტად Denton Wilde Sapte-ში (დღევანდელი Dentons), გაერთიანებული სამეფოს ერთ-ერთ ყველაზე დიდ იურიდიულ ფირმაში. მისი საქმიანობა მოიცავდა კონსულტაციებს შერწყმა-გაერთიანების, შესყიდვების, ერთობლივი საწარმოსა და საწყისი საზოგადოებრივი შეთავაზების (IPO) საკითხებზე სხვადასხვა მიმართულებით, მათ შორის მედიის, ტელეკომუნიკაციების, ტექნოლოგიისა და ენერგეტიკის სფეროში. 1998-2000 წლებში იყო Denton Wilde Sapte-ს მოსკოვის ოფისის მთავარი მრჩეველი. ფლობს ბაკალავრის ხარისხს თანამედროვე ისტორიასა და პოლიტიკაში, არის ლონდონის ეკონომიკის სკოლის (ლონდონის უნივერსიტეტი) სამართლის კურსდამთავრებული. კონსტანტინ კოტზიასმა მიიღო ინგლისური სამართლის საზოგადოების წარჩინების დიპლომი, ის ინგლისისა და უელსის უზენაესი სასამართლოს ადვოკატია.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



