|
2019-10-18 14:31:35, 3533 ნახვა
ეკონომიკა
„თბილისის აბრეშუმის გზის ფორუმის“ გახსნით პანელს მოდერაციას ცნობილი ეკონომისტი ნოურიელ რუბინი გაუწევს
22 ოქტომბერს „თბილისის აბრეშუმის გზის ფორუმის" გახსნით პანელს „მაღალი დონის დიალოგი, ერთად საერთო მომავლისკენ: სტაბილური და მდგრადი ზრდის მოდელები" მოდერაციას გაუწევს მსოფლიოში ცნობილი ეკონომისტი ნოურიელ რუბინი. ნოურიელ რუბინი ნიუ-იორკის უნივერსიტეტის სტერნის ბიზნესის სკოლის ეკონომიკის პროფესორია. ის ასევე არის Roubini Macro Associates, LLC– ს (ნიუ – იორკი) გლობალური მაკროეკონომიკური საკონსულტაციო ფირმის აღმასრულებელი დირექტორი და Rosa & Roubini Associates–ის თანადამფუძნებელი (ლონდონი). დოქტორ რუბინის გამოქვეყნებული აქვს ნაშრომები, მათ შორის გლობალური მაკროეკონომიკური საკითხების შესახებ. თანაავტორია წიგნების სერიისა „პოლიტიკური ციკლები", რომელთა შორისაა ნაშრომები: „თეორია და მტკიცებულება" (MIT Press, 1997); „განვითარებადი ბაზრების ფინანსურ კრიზისებზე რეაგირება" (Institute for International Economics, 2004) და „კრიზისული ეკონომიკა: სწრაფი კურსი ფინანსების მომავალში" (Penguin Press, 2010). დოქტორ რუბინის შეხედულებებს გლობალურ ეკონომიკურ საკითხებთან დაკავშირებით აქტიურად ციტირებს მედია, ხოლო თავად ხშირად სტუმრობს სხვადასხვა ბიზნეს-გადაცემებს. მასზე ხშირად წერენ და კომენტარისთვის მიმართავენ New York Times Magazine-ში და სხვა წამყვან გამოცემებში. დოქტორ რუბინის შეხედულებებს ასევე ფართოდ აშუქებს Financial Times. ნოურიელ რუბინმა მიიღო ბაკალავრის ხარისხი ბაკონის უნივერსიტეტში (მილანი, იტალია) და ეკონომიკის დოქტორის ხარისხი ჰარვარდის უნივერსიტეტში. სტერნში მუშაობის დაწყებამდე ის იელის უნივერსიტეტის ეკონომიკის განყოფილების ფაკულტეტზე მოღვაწეობდა.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



