2019-10-17 15:35:39, 3753 ნახვა
სამართალი
R2-ის 60%-იანი წილის დაბრუნების მოთხოვნით, დვალმა და აქიმიძემ სასამართლოში სარჩელი შეიტანეს
ტელეკომპანია „რუსთავი 2“-ის დამფუძნებლებმა დავით დვალმა და ჯარჯი აქიმიძემ თბილისის საქალაქო სასამართლოში სარჩელი შეიტანეს.
მათ სასამართლოს 60%-იანი წილის დაბრუნების მოტივით მიმართეს. შესაბამისი სარჩელი დვალისა და აქიმის უფლებადამცველმა კახა კოჟორიძემ შეიტანა.
დვალის განცხადებით, ერთი მოპასუხე ტელეკომპანიის 100%-იანი წილის მფლობელი ქიბარ ხალვაში იქნება, ხოლო მეორე პაატა კარსანიძე, რომელსაც 2004 წელს რუსთავი 2-ის საკონტროლო პაკეტი მას შემდეგ ჩაუვარდა ხელში, რაც ხელისუფლების ზეწოლით, თავიანთი 30-30%-იანი წილები ტელევიზიის დამფუძნებლებმა, დავით დვალმა და ჯარჯი აქიმიძემ იძულებით გადაუფორმეს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
