კარასინის მტკიცებით, პრაღის მოლაპარაკების ფორმატში აფხაზეთის გავლით რკინიგზის აღდგენის საკითხიც განიხილეს

2015-07-15 17:51:26, 575 ნახვა

პოლიტიკა

რუსეთის საგარეო საქმეთა მინისტრის მოადგილის გრიგორი კარასინის ინფორმაციით, პრაღის მოლაპარაკების ფორმატში აფხაზეთის გავლით რკინიგზის აღდგენის საკითხიც განიხილეს.
როგორც კარასინმა შეხვედრის დასრულების შემდეგ ჟურნალისტებს განუცხადა, ქართულ მხარესთან შედგა შეთანხმება, რომ ასეთი ტიპის საკითხის განხილვა შესაძლებელია ჰიპოტეტურად, მაგრამ საბოლოო გადაწყვეტილება აფხაზეთისა და საქართველოს ხელმძღვანელობამ პირდაპირი კონტაქტის შედეგად უნდა მიიღოს.
"ჩვენ ყველა საკითხი განვიხილეთ, მათ შორის რკინიგზის თემაც.შევთანხმდით, რომ ასეთი ტიპის საკითხის განხილვა შესაძლებელია ჰიპოტეტურად, მაგრამ საბოლოო გადაწყვეტილება უნდა მიიღოს აფხაზეთისა და საქართველოს ხელმძღვანელობამ პირდაპირი კონტაქტის შედეგად",-განაცხადა გრიგორი კარასინმა.
აბაშიძე-კარასინის შეხვედრა პრაღაში 3 საათის განმავლობაში გაგრძელდა.
კონსულტაციები ამჯერად გაფართოებული შემადგენლობით შედგა. როგორც აღინიშნა, ქართულმა მხარემ სოფელ ორჭოსანსა და ხურვალეთში ე.წ საზღვრის გადმოწევის საკითხი მწვავედ დააყენა.