„თუ საქართველოში მართლმადიდებლობის საერთაშორისო ასამბლეის ჩატარების ორგანიზატორებს მცდელობა აქვთ, რომ პასუხისმგებლობა ვინმე სხვას გადააბრალონ, ეს არ გამოუვათ“,  - ამის შესახებ ჟურნალისტებს პარლამენტის პირველმა ვიცე-სპიკერმა, თამარ ჩუგოშვილმა განუცხადა, რომელიც „ქართული ოცნების“ ყოფილი დეპუტატის, ზაქარია ქუცნაშვილის განცხადებას გამოეხმაურა.

როგორც ჩუგოშვილმა აღნიშნა, მსგავსი ღონისძიების დაგეგმვის დროს ორგანიზატორებს მეტი ყურადღება უნდა გაამოეჩინათ, რადგან არ დამდგვარიყო ის შედეგი, რაც დადგა.

„თუ ამ ასამბლეის ორგანიზატორებს მცდელობა აქვთ, რომ პასუხისმგებლობა ვინმე სხვას გადააბრალონ, მაშინ ეს არ გამოუვათ, არ არის სამართლიანი და სწორი მცდელობა. დელეგაციის ხელმძღვანელის და ზაქარია ქუცნაშვილის პასუხისმგებლობა იყო საორგანიზაციო საკითხები, ეს ასამბლეა როგორც დაორგანიზდა და როგორც წარიმართა, პრობლემა ამაშია და პასუხისმგებლობა უნდა იგრძნონ. ორგანიზების დეტალები არ ვიცოდი, თუმცა ასამბლეა საქართველოში რომ ტარდებოდა, ყველამ იცოდა. ადგილისა და გავრილოვის მიმართ ჩემი დამოკიდებულება პირველმა დავაფიქსირე, პირველი ვიყავი, ვინც ამ ყველაფერს გამოეხმაურა ოპოზიციაზე ადრე. ჩემი დამოკიდებულება სრულიად გულწრფელი იყო და იგივე აზრზე ვრჩები, რა აზრზეც ვიყავი. ჩვენ ვართ სხვადასხვა საერთაშორისო ფორმატებში, სადაც დასავლურ ქვეყნებთან ერთად არის რუსეთი, ასეთი არის მაგალითად ევროსაბჭოც. ეს მოცემულობა გვაქვს და ეს უნდა გავითვალისწინოთ, რადგან ჩვენ გვიწევს ისეთ ფორმატებში ურთიერთობა, სადაც რუსეთის არის წარმოდგენილი, ამიტომ აქვს მნიშვნელობა ისეთ დეტალებს, რა, როგორ და სად ჩატარდება. არ მოხდა ამ ყველაფრის გათვალისწინება და შედეგი ყველამ ვიხილეთ“, - განაცხადა ჩუგოშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შეიძინეთ RKENA-ს ბილეთები საქართველოს ბანკის ნებისმიერი ბარათით და ისარგებლეთ 20%იანი ფასდაკლებით

„თეგეტა“ და „გალფი“ ერთიან საავტომობილო ეკოსისტემას ქმნიან - კომპანიებმა თანამშრომლობის მემორანდუმი გააფორმეს

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა