2019-10-03 19:12:43, 1725 ნახვა

---

მიხეილ დუნდუა: საქართველოს პოზიციები მსოფლიო ბანკის კვლევაში აუცილებლად გამოიწვევს ინვესტიციების შემოსვლას და ეკონომიკური ზრდის დაჩქარებას

საქართველოს პოზიციები მსოფლიო ბანკის ახალ კვლევაში აუცილებლად გამოიწვევს ინვესტიციების შემოსვლას ქვეყანაში საკრედიტო რეიტინგის  გაუმჯობესებასა და ეკონომიკური ზრდის დაჩქარებას, - აღნიშნა ფინანსთა მინისტრის მოადგილემ მიხეილ დუნდუამ გადაცემაში „დღის ქრონიკა გურამ ნიკოლაშვილთან ერთად“  სტუმრობისას.

როგორც მან აღნიშნა, მსოფლიო ბანკის კვლევა ყველაზე მასშტაბურია მსოფლიოში და აერთიანებს ყველა წამყვანი საერთაშორისო ორგანიზაციის, ექსპერტების, კვლევითი ორგანიზაციის შეფასებებს.

„ჩვენი გაუმჯობესებული მაჩვენებლები, რომელიც დაფიქსირებულია მსოფლიო ბანკის კვლევაში სამაგიდო წიგნია ინვესტორებისთვის. ეს არის ერთადერთი კვლევა, რომელსაც ასევე ეყრდნობიან მსოფლიოში წამყვანი სარეიტინგო კომპანიები“, - განაცხადა მიხეილ დუნდუამ. 

რეფორმებს შორის, რომლებმაც განსაზღვრეს საქართველოს პოზიციების გაუმჯობესება, ფინანსთა მინისტრის მოადგილემ დაასახელა დღგ-ის ავტომატური დაბრუნების რეფორმა და ჭარბვალიანობის პრობლემის მოგვარების მიზნით მთავრობის მიერ გადადგმული ნაბიჯები. როგორც მან აღნიშნა მომავალ წელს დაგეგმილი რეფორმები უზრუნველყოფს 

„ქვეყნის მთავარ ფინანსურ გეგმას მხოლოდ დადებითი გავლენის მოხდენა შეუძლია მომავალ კვლევაში, რადგან ყველა ძირითადი პარამეტრი შეთანხმებულია საერთაშორისო სავალუტო ფონდთან და საფინანსო ინსტიტუტებთან და შედგენილია საუკეთესო პრაქტიკის გათვალისწინებით.  ასე რომ ჩვენ მომავალ წელს უნდა ველოდოთ პროგრესს მსოფლიო მმართველობის ინდიკატორების რეიტინგის გაუმჯობესების თვალსაზრისით“, - განაცხადა ფინანსთა მინისტრის მოადგილემ მიხეილ დუნდუამ.

 

 

 

(NS)

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი