პარლამენტის პლენარულ სხდომაზე ადამიანის უფლებათა დაცვის კომიტეტის თავმჯდომარის სოფო კილაძის ანგარიშის წარდგენას ხმაური მოჰყვა.

საპარლამენტო ოპოზიციამ სოფო კილაძე იმის გამო გააკრიტიკა, რომ მის მიერ მომზადებულ ანგარიშში არ მოხვდა ყველაზე მნიშვნელოვანი ფაქტები, რომელიც ადამიანის უფლებების დარღვევას მოიცავდა.

"შესაბამის უწყებებთან გვქონდა კომუნიკაცია. ჩვენი საქმიანობის ფარგლებში რაც არის ჩვენი ფუნქცია, ეს შევასრულეთ და მესმის, რომ თქვენ არ დამეთანხმებით, მესმის, რომ მაინც ერთ ამბავს ატეხთ, ეს არის თქვენი უფლება, ხოლო ჩემი უფლება და ვალდებულებაა, რომ კითხვებს ვუპასუხო", - აღნიშნა მან.

ოპოზიციამ კილაძეს რამდენიმე კითხვა დაუსვა, მათ შორის მოინახულა თუ არა მან საპატიმროში 20 ივნისის საქმეზე დაკავებული ადამიანები. გარდა ამისა, "ნაციონალური მოძრაობის" წევრი ხათუნა გოგორიშვილი დაინტერესდა "აკეთებს თუ არა რამეს სოფო კილაძე ადამიანის უფლებების დაცვისთვის?".

"მაშინ შესულიყავით, როდესაც ხალხს უმოწყალოდ აწამებდნენ. ნაწამები ხალხის ხმა რომ ცამდე ადიოდა და თქვენი ყურები დახშული რომ იყო ამისთვის, კარგი იქნებოდა აი, მაშინ შესულიყავით“, - უპასუხა სოფო კილაძემ ოპოზიციას.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა

ევროკავშირის საგარეო საქმეთა მინისტრები საქართველოში არსებულ ვითარებას განიხილავენ

საქართველოს ბანკის მხარდაჭერით საქართველოს ეკონომიკისა და მდგრადი განვითარების სამინისტრომ და ინოვაციებისა და ტექნოლოგიების სააგენტომ „თუმო ქუთაისი“ გაიხსნეს