პარლამენტში საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარედ დავით ნარმანიას არჩევის საკითხზე კენჭისყრა გადაიდო.

მიზეზი თანამდებობაზე ნარმანიას კანდიდატურის პრეზიდენტის მიერ წარდგენა გახდა, რისი უფლებაც მას კონსტიტუციის თანახმად არ აქვს. პრეზიდენტს მხოლოდ სემეკ-ს წევრების წარდგენა შეუძლია.

კონსტიტუციასთან შეუსაბამობის საკითხი სხდომაზე „ევროპული საქართველოს“ წევრმა, ხათუნა გოგორიშვილმა დააყენა. მან აღნიშნა, რომ პრეზიდენტს „სხვა პრობლემებთან ერთად, იურიდიული კონსულტაციის პრობლემაც აქვს“.

„მოგეხსენებათ,კონსტიტუციით განსაზღვრულია საქართველოს პრეზიდენტის უფლებამოსილებები და ამავე კონსტიტუციის 52-ე მუხლით პირველი პუნქტის „ი“ ქვეპუნტქი გვეუბნება, რომ პრეზიდენტს შეუძლია, განახორციელოს მხოლოდ კონსტიტუციით განსაზღვრული უფლებამოსილება. „დ“ ქვეპუნქტი ადგეს ჩამონათვალს, თუ ვისი წარდგენის უფლება აქვს, ამ ჩამონათვალშია არიან მხოლოდ სემეკ-ის წევრები. შესაბამისად ,თავმჯდომარის წარდგენის უფლება საქართველოს პრეზიდენტს არ გააჩნია. თუ პარლამენტი ამ დადგენილებას უყრის კენჭის იქნება კონსტიტუციის დარღვევა“, – აღნიშნა გოგორიშვილმა.

ამის შემდეგ პარლამენტის თავმჯდომარე არჩილ თალაკვაძემ სხდომაზე ტექნიკური შესვენება გამოაცხადა. სხდომის გაგრძელების შემდეგ, თალაკვაძემ აღნიშნა, რომ კენჭისყრა გადაიდო.

ავტორი: ექსპრესნიუსი,

სოციალური ქსელები

Rybar-ის ქსელის დაკავებულ დამფუძნებელს დრონები და ელექტრონული აღჭურვილობა აღმოაჩნდა

უკრაინამ ტვერის რეგიონში სარაკეტო საწვავის მწარმოებელ ქარხანას და ბელგოროდის მახლობლად ნავთობის საწყობს დაარტყა

ევროკავშირის საგარეო საქმეთა მინისტრები საქართველოში არსებულ ვითარებას განიხილავენ

საქართველოს ბანკის მხარდაჭერით საქართველოს ეკონომიკისა და მდგრადი განვითარების სამინისტრომ და ინოვაციებისა და ტექნოლოგიების სააგენტომ „თუმო ქუთაისი“ გაიხსნეს