|
2019-10-01 18:38:37, 1656 ნახვა
ეკონომიკა
კენეტ ენჯელი - OPIC-ის ინვესტიცია ფოთში ახალი ტერმინალის ასაშენებლად წარმოადგენს აშშ-სგან მუდმივ მხარდაჭერას საქართველოს განვითარებისადმი
„ეს არის პროექტი, რომელიც გულისხმობს ინვესტიციას ინფრასტრუქტურაში და ინვესტიციას ვაჭრობაში. ახალი ტერმინალი საშუალებას მისცემს უფრო მსხვილ გემებს, შემოიტანონ ტვირთი ფოთში, რაც, რა თქმა უნდა, გაზრდის საქართველოს, როგორც რეგიონული ჰაბის პოტენციალს. OPIC-ის დაფინანსება „პეის ჯგუფს" საშუალებას მისცემს შექმნას მულტიფუნქციური ტერმინალი, უფრო დიდი, მოდერნიზებული პორტი კი გააძლიერებს საქართველოს, როგორც ევროპისა და აზიის დამაკავშირებელი სტრატეგიული ტრანზიტული წერტილის პოზიციას", - ამის შესახებ OPIC-ის მმართველმა დირექტორმა, კენეტ ენჯელმა ფოთში „პეის ტერმინალსის" ტერიტორიაზე ახალი საპორტო ინფრასტრუქტურის მშენებლობის დაწყებისადმი მიძღვნილ ღონისძიებაზე განაცხადა. ახალი ტერმინალის პროექტი ფოთში აშშ-ის მთავრობის კერძო უცხოური ინვესტიციების კორპორაცია OPIC-ის დაფინანსებით ხორციელდება. როგორც კენეტ ენჯელმა აღნიშნა, OPIC-ისთვის ძალიან მნიშვნელოვანია არამხოლოდ ფინანსური ასპექტები, არამედ ის სარგებელი, რომელიც განვითარებას უკავშირდება პროექტის ფარგლებში. კენეტ ენჯელის შეფასებით, ინფრასტრუქტურის განვითარება არის ძალიან მნიშვნელოვანი, მაგრამ ეს პროექტი ასევე შექმნის ძალიან ბევრ, მუდმივ სამუშაო ადგილს სამეგრელოს რეგიონის მოსახლეობისათვის. „OPIC-ის ინვესტიცია ახალი ტერმინალის ასაშენებლად წარმოადგენს აშშ-სგან მუდმივ მხარდაჭერას საქართველოს განვითარებისადმი. მოხარულები ვართ, ვითანამშრომლოთ ფეის ჯგუფთან პეის ტერმინალის პროექტის ფარგლებში და მსურს აღვნიშნო, რომ „პეის ტერმინალის" წარმატება გულისხმობს საქართველოს წარმატებას“, - განაცხადა OPIC-ის მმართველმა დირექტორმა.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



