|
2019-09-27 15:23:34, 1853 ნახვა
ეკონომიკა
გენადი არველაძე: კორეული კომპანიები ქართული პროდუქციის იმპორტით აქტიურად ინტერესდებიან
საქართველო კორეის რესპუბლიკის იმპორტიორთა ასოციაციის (KOIMA) წევრ კომპანიებს მასპინძლობს- ეკონომიკის სამინისტროს სააგენტოს „აწარმოე საქართველოში“ ორგანიზებით და კორეის რესპუბლიკაში საქართველოს საელჩოს ჩართულობით სასტუმრო „ბილტმორში“ ბიზნესფორუმი გაიხსნა, რომელსაც ქართული მხრიდან 40-მდე კომპანიის წარმომადგენელი ესწრებოდა. ფორუმის ფარგლებში ქართულ და კორეულ კომპანიებს შორის ორმხრივი შეხვედრები გაიმართა. ღონისძიება მისასალმებელი სიტყვით გახსნეს ეკონომიკისა და მდგრადი განვითარების მინისტრის მოადგილემ, გენადი არველაძემ, საგარეო საქმეთა მინისტრის მოადგილემ ალექსანდრე ხვთისიაშვილმა, კორეის რესპუბლიკის ელჩი საქართველოში კიმ სი-ვუნგმა და კორეის რესპუბლიკის იმპორტიორთა ასოციაციის (KOIMA) თავჯდომარემ ჰონგ კვან-ჰიმ. საქართველოს საინვესტიციო შესაძლებლობებისა და ბიზნესგარემოს შესახებ პრეზენტაცია გამართა სააგენტოს „აწარმოე საქართველოში“ ხელმძღვანელმა, მიხეილ ხიდურელმა. „ეს არის პირველი ვიზიტი, რომელიც ემსახურება სავაჭრო ურთიერთობების გამყარებას და ახალი ბიზნესკონტაქტების ჩამოყალიბებას. კორეული კომპანიები, რომლებიც წარმოდგენილია ფორუმზე, დაინტერესებულნი არიან ისეთი ქართული პროდუქციის იმპორტით, როგორიც არის ღვინო, არაალკოჰოლური სასმელები, თხილი, წვენები, ბოსტნეულის ნაწარმი. კორეული კომპანიები ასევე ინტერესდებიან სხვადასხვა ინდუსტრიული პროდუქტითაც. ვფიქრობ, რომ ფორუმის ფარგლებში, ბიზნესებს შორის გამართული ორმხრივი შეხვედრები კონკრეტულ შედეგებს მოიტანს უახლოეს მომავალში“, - განაცხადა მედიის წარმომადგენლებთან საუბრისას გენადი არველაძემ. ფორუმის ფარგლებში სააგენტოს „აწარმოე საქართველოში“ და სამხრეთ კორეის რესპუბლიკის იმპორტიორთა ასოციაციას (KOIMA) შორის ურთიერთანამშრომლობის მემორანდუმი გაფორმდა.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



