„გვინდა  გულწრფელად მოგილოცოთ გარემოს დაცვისა და სოფლის მეურნეობის სამინისტროს მთელს  გუნდს ფაროსანასთან ბრძოლის წარმატებული შედეგები. თქვენი დიდი ძალისხმევით, წელს გაზრდილია მოსავლის რაოდენობა და ხარისხი. მოგეხსენებათ, თხილის  და თხილის ინგრედიენტების მწარმოებელი და ექსპორტიორი კომპანია  „ოლამ ჯორჯია“ ზუგდიდში ფუნქციონირებს. „ოლამ ჯორჯია“ სინგაპურული კომპანიის, „ოლამ ინტერნეიშენალის“ შვილობილი კომპანიაა, რომელიც 2005 წლიდან  სინგაპურის საფონდო ბირჟაზეა. კომპანია მსოფლიო მასშტაბით 19800 კლიენტს  ემსახურება  და საქმიანობს 60 -ზე მეტ ქვეყანაში, მათ შორის, საქართველოში.

ქართული თხილის სექტორის გაუმჯობესების მიზნით, ჩვენი ერთობლივი, უწყვეტი მუშაობით,  საერთაშორისო ბაზარებიდან ველოდებით ქართულ თხილზე გაზრდილ მოთხოვნებს.

2016 წლიდან დღემდე, „ოლამ ჯორჯიას“ მიერ საქართველოდან ევროკავშირისა და სხვა ქვეყნებში ექსპორტზე გაგზავნილია 4000 ტონა თხილის პროდუქცია, მათ შორის, თხილის პასტა.

წლევანდელი მოსავლის ჩვეული  პარამეტრები დადებით შედეგებს იძლევა. მჟავიანობის ნიშნული დაეცა 05-მდე და საშუალო მჟავიანობა მერყეობს 0,1-0,5-მდე, რაც 3-ჯერ უკეთესი წინა წლის მაჩვენებელთან შედარებით. გარდა ამისა, საერთო სიდამპლის და მწერის მაჩვენებლებმაც დაიკლო, რაც მოსავალზეც დადებითად აისახა.

ფერმერები, მომწოდებლები, პატარა და დიდი საწარმოები, ექსპორტიორები სამინისტროს დიდი ძალისხმევის შედეგებს ხედავენ, რაც დიდი მოტივაციაა  ქართული თხილის სექტორის  ღირებულებათა ჯაჭვის განვითარებისთვის და  ამ სექტორში ჩართვისთვის. 

ჩვენი მხრიდან გავზარდეთ ძალისხმევა და ჩვენი გეგმები ქართველი  ფერმერების  მიკვლევადობის სისტემის  გასაუმჯობესებლად. მომავალი წლიდან ველოდებით საქართველოს მეთხილე ფერმერებისთვის ოლამის მიკვლევადობის სისტემის ამუშავებას.  

დიდი მადლობა თქვენი დახმარებისთვის და გულითადი მოლოცვა  მთელს გუნდს ოლამის  დიდი ოჯახისგან“, - აღნიშნულია კომპანიის „ოლამ ჯორჯია“ ღია წერილში.

(NS)

ავტორი: ექსპრესნიუსი,

სოციალური ქსელები

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება