მთავრობის საქმიანობის უარყოფით შეფასებას არ ვეთანხმები, - ასე გამოეხმაურა რეგიონული განვითარებისა და ინფრასტრუქტურის მინისტრი მაია ცქიტიშვილი NDI კვლევას.

როგორც ცქიტიშვილმა აღნიშნა, NDI-ის და IRI-ის ქართველი პარტნიორები ყოველთვის სწორად არ ასახავენ რეალურ განწყობებს.

„ზოგადად, ჩვენ პატივს ვცემთ ისეთ ინსიტიტუტებს, როგორიც არის NDI, IRI, მაგრამ წლების განმავლობაში ჩვენ გვქონდა შესაძლებლობა, რომ გვენახა, რომ მათი პარტნიორები, ქართველი პარტნიორები ველზე, რომლებიც ამ კვლევებს ატარებენ, ყოველთვის სწორად არ ასახავენ იმ რეალურ განწყობებს, რომელიც არის ადგილზე. რა თქმა უნდა, ეს შეიძლება ყველა საკითხს არ ეხებოდეს, ძალიან რთული არის თითოეულ კონკრეტულ შემთხვევაში შეფასება და პროცენტულ მაჩვენებლებში შესვლა. ნება მომეცით, რომ ამ კვლევებში ასახულ შეფასებას [მთავრობის საქმიანობაზე] სრულად არ დავეთანხმო. თუმცა, რა თქმა უნდა, ჩვენ ვიცით რომ ის პრობლემები, რომლებიც პირველ ხუთეულში ხვდება, როგორიც არის დასაქმება, ტერიოტორიული მთლიანობა, შემოსავლები, ეს არის ის პრობლემები, რომლებასაც საქართველოს მთავრობა თავად აყენებს, ჩვენ ვიცით, რომ სიღარიბე, ეკონომიკური მდგომარეობის გაუმჯობესება, დასაქმება არის ძირითადი გამოწვევები და ჩვენი საქმიანობა არის მიმართული იმისკენ, რომ ეს გამოწვევები გადავლახოთ. მთავრობის საქმიანობის უარყოფით შეფასებას არ ვეთანხმები, თუ ეს ასე არის შეფასებული, ჩვენ ჩვენს თავს ვთხოვთ, პირველ რიგში“, - განაცხადა მაია ცქიტიშვილმა.  

ამავე თემაზე გთავაზობთ NDI-ის კვლევის შედეგებს: 

• ხვალ რომ არჩევნები იყოს 26%-მა არ იცის ვის მისცეს ხმა, 20% „ოცნებას“ ასახელებს, 9% ენმ-ს - NDI-ის კვლევა
• NDI - შს მინისტრის პოსტიდან გიორგი გახარიას გადადგომას მოსახლეობის 42% ემხრობოდა

• ხვალ რომ არჩევნები იყოს, მოსახლეობის 41% არ წავიდოდა, ხოლო 57%-ს გადაწყვეტილი არ აქვს ხმა ვის მისცეს - NDI

• NDI - გამოკითხულთა უმრავლესობამ პარლამენტის თავმჯდომარის საქმიანობის შესახებ „არ იცის“

• პრეზიდენტის საქმიანობას გამოკითხულთა უმრავლესობა „ცუდად“ აფასებს - NDI-ის კვლევა

• NDI: ამომრჩევლების 45% აცხადებს, რომ მის შეხედულებებთან ახლოს არც ერთი პარტია არ დგას

• NDI - გამოკითხულთა უმრავლესობა ყველაზე დადებითად ეკლესიის, ყველაზე უარყოფითად კი, პარლამენტის საქმიანობას აფასებს

• NDI-ის კვლევის მიხედვით, ლიდერების რეიტინგში პირველ ადგილზე კახა კალაძეა

• NDI: მოსახლეობა მთავრობის საქმიანობას ცუდად აფასებს - უმრავლესობა მიიჩნევს, რომ 20 ივნისს „გადამეტებული ძალა“ იყო გამოყენებული

   

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე - წელიწად-ნახევარი დაგვჭირდა, რომ ზედა ეშელონებში ყველა სახელმწიფო უწყება გავათავისუფლეთ კორუფციისგან

კონრად-ადენაუერის ფონდი პაპუაშვილის განცხადებას უარყოფს: „მსგავს საუბარს ადგილი არ ჰქონია“

ირაკლი კობახიძის განცხადებით, ბიძინა ივანიშვილისთვის ამერიკის შეერთებული შტატების მხრიდან დაწესებული სანქციები „საინტერესო არ არის“

უკრაინამ 24 საათის განმავლობაში Yandex-ის მეორე მონაცემთა ცენტრს დარტყა