ივანიშვილმა ღარიბაშვილი მათთვის დააბრუნა, ვინც ფიქრობს, რომ 20 ივნისს შეკრებილები მეტად უნდა ეცემათ, - ამის შესახებ თავდაცვის ყოფილმა მინისტრმა თინა ხიდაშელმა „ტვ პირველთან“ საუბრისას განაცხადა.

ხიდაშელის შეფასებით, სწორედ ამაგვარი ზრახვებით იქნება წარმოდგენილი მმართველი გუნდი მომავალში.

„მნიშვნელობა არ ჰქონდა ღარიბაშვილი რისი მინისტრი იქნებოდა, ივანიშვილის სჭირდებოდა იმ ხაზის გაძლიერება და ერთმნიშვნელოვნად ჩვენება, თანამდებობის მიცემით, მათ შორის, რომ ეს ადამიანები მისი ზრუნვის ქვეშ არიან. ვინ არიან ეს ადამიანები, ძალიან მოკლე პასუხი არსებობს ამაზე, ის გულწრფელი ამომრჩეველი, რომელმაც ძალიან მძიმედ განიცადა 20 ივნისის ღამე, უზარმაზარ ტრაგედიად აქვს 20 ივნისის ღამე, ოღონდ არა იმიტომ, რატომაც მე და  თქვენ მივიჩნევთ მას ტრაგედიად. ეს ადამიანები თვლიან, რომ მაგრად ვერ სცემეს იქ შეკრებილი ადამიანები და უფრო მეტი ზარალი უნდა მიეყენებინათ მათთვის. აი ამ ხაზის, ამ ამომრჩევლის დასამაგრებლად დააბრუნეს ღარიბაშვილი მთავრობაში. მათ წასახალისებლად და მათ დასარწმუნებლად, რომ სწორედ ასეთი რეტროგრადული ბნელი ზრახვებისა და აზრების იქნება მომავალი „ქართული ოცნება“, - აღნიშნა თინა ხიდაშელმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება