„დღეს ცხვრები მორეკეს, მანამდე ადამიანებს შეურაცხყოფდნენ, ახლა ცხოველების შეურაცხყოფაზე გადავიდნენ“, - ასე გამოეხმაურა საპარლამენტო უმრავლესობის წევრი მიხეილ ყაველაშვილი სამოქალაქო მოძრაობის „სირცხვლიას“, რომელთაც პარლამენტის შესასვლელთან ცხვრები მიიყვანეს და აღნიშნეს, რომ ისინი „ოცნების“ დეპუტატებს განასახიერებდნენ.

როგორც ყაველაშვილმა აღნიშნა, 20 ივნისის ღამეზე პასუხისმგებლობას მხოლოდ გიროგი გახარია არ იზიარებს, აღნიშნულზე მთელი მმართველი გუნდია პასუხისმგებელი.

„არ შემიძლია არ შევეხო 20 ივნისსაც. ის ადამიანები, არ ვმალავ და ვიმყოფებოდით ღამის შტურმის პროცესში და მანამდეც ვადევნებდით თვალს რომ ის ჯანსაღი პროცესი და ადამიანები, რომლებიც სრულიად გულრწფელად იყო და მათი დიდი ნაწილი იყო ახალგაზრდობა და გამოვიდა გასაპროტესტებლად და შემდეგ როგორ განვითარდა მოვლენები, მე მინდა რომ ეს ყველამ გავითავისოთ, მხოლოდ ერთი ადამიანის პასუხისგებლობაზე არ გადის მთელი ეს პროცესი. ჩემო მეგობრებო, როგორც აღმასრულებელ ხელისუფლებაში, ისე გუნდში მინდა მოგმართოთ, რომ ეს არის თითოეული ჩვენგანის პასუხისმგებლობა. მარტო გიორგი გახარია არ ყოფილა. აქ ვიყავით თითოეული ჩვენთაგანი და ყველა ჩვენგანის პასუხისმგებლობით მოხდა თითოეული ნაბიჯის გადადგმა.  ეს იყო შტურმის მცდელობა და დიახაც გადავრჩით აი ამ საშინელი ძალის რევანშისტული განწყობებისგან. ეს უნდა ვიცოდეთ და არ უნდა დაგავიწყდეთ. იქ ჩვენი შვილების თაობა იყო. მყავს ორი შვილი იმ თაობის წარმომადგენელი, რომელიც გამოთქვამდნენ სრულიად გულრწფელ პროტესტს, თუმცა მაშინვე ვიწინასწარმეტყველე, რომ ის ძალა, რომელიც დომინირებდა ამ ახალგაზრდებს, რა თქმა უნდა, ცდუნებაში ჩააგდებდა და რა თქმა უნდა, ასეც მოხდა. არ ვიცი რამდენ დღეს ითვლიან უკვე. დღეს ცხვრები მორეკეს, მანამდე ადამიანებს შეურაცხყოფდნენ, ახლა ცხოველების შეურაცხყოფაზე გადავიდნენ და მინდა იცოდეთ, რომ არაფრის დიდებით, ჩვენ ვართ ძალიან ძლიერი ხელისუფლება და მინდა, რომ ბატონ გიორგის ვუსურვო წარმატება და ყველა ის პროცესი და პროგრამა, რომელიც აქვს სამინისტოროებს აუცილებლად უნდა განხორიციელდეს. უნდა გავიხედოთ წინ. არაფრის დიდებით არ შეშინდეთ ჩემო ძვირფასებო, გისურვებთ წარმატებებს“, - აღნიშნა მიხეილ ყაველაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება