„ეფექტიანობა, ქმედითობა, დისციპლინა - ეს იქნება ძირითადი პრინციპები, რომლებზეც იმუშავებს ეს მთავრობა“, - ამის შესახებ პრემიერ-მინისტრობის კანდიდატმა გიორგი გახარიამ ფრაქცია „საქართველოს პატრიოტებთან“ შეხვედრაზე განაცხადა.

როგორც მან აღნიშნა, მოქალაქეებს აღარ აინტერესებთ ახალი ინიციატივები და პროგრამები, ამიტომ საჭიროა კონკრეტული საქმე გაკეთდეს.

„ჩვენი ძირითადი პრინციპი იქნება კონკრეტული ნაბიჯები, ქმედებები და საქმე. ჩვენ ძალიან კარგად გვესმის, რომ მოქალაქეებს აღარ აინტერესებთ ახალი ინიციატივები, პროგრამები. ასეთი ინიციატივები, კარგი, მათ შორის, წარმატებული პროგრამები ბევრი გვაქვს, ჩვენ დღეს, უკვე გვჭირდება კონკრეტული საქმე. თითოეული ჩვენი მოქალაქისთვის, ქალაქში იქნება ეს თუ სოფელში, სახელმწიფოს განსახიერება არის ის ჩინოვნიკი, რომელსაც ის ყოველდღე ხვდება და ამ საჯარო მოხელეს ან შეუძლია, მისი პრობლემები მოაგვაროს ან არ შეუძლია. ამიტომ, მინდა გითხრათ, რომ ეფექტიანობა, ქმედითობა, დისციპლინა - ეს იქნება ძირითადი პრინციპები, რომლებზეც იმუშავებს ეს მთავრობა.

რა თქმა უნდა ჩვენ ძირითად აქცენტებს გავაკეთებთ იმ განზომილებებზე, რომლებიც პრინციპულად მნიშვნელოვანია ქვეყნის განვითარებისთვის და რომლებზეც ჩვენ ზოგჯერ შინაარსობრივად, ზოგჯერ ზედაპირულად დღესაც ვისაუბრეთ, ეს გახლავთ პირველ რიგში უსაფრთხოება და ამ განზომილების ძირითადი გამოწვევა გახლავთ ოკუპაცია. მეორე უმნიშვნელოვანესი ჩვენი ქვეყნისთვის განზომილება, ეს არის ეკონომიკა, ეკონომიკური განვითარება და ამ განზომილების ყველაზე მნიშვნელოვანი გამოწვევა გახლავთ სამუშაო ადგილები და მესამე უმნიშვნელოვანესი განზომილება, ეს არის ადამიანური კაპიტალის განვითარება და აქ ყველაზე დიდი გამოწვევა გახლავთ განათლება.

ეს ყველაფერი შესაძლებელი იქნება ეფექტური და ეფექტიანი საჯარო სამსახურის პირობებში, რომელიც იქნება მიმართული კონკრეტული მიზნების, კონკრეტული ქმედებების, კონკრეტული ნაბიჯების და საქმის კეთებისთვის და რომელიც რაც მთავარია, იქნება მიმართული ხალხის მსახურებისთვის. ეს არის ის ძირითადი პრინციპები, რომელზეც იქნება დამყარებული ამ მთავრობის მუშაობა. ჩვენ გვექნება საშუალება, პლენარული სხდომის ფარგლებში უფრო შინაარსში შევიდეთ ბევრ საკითხებთან მიმართებაში“, – მიმართა დეპუტატებს გიორგი გახარიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს