„მთავარი არხის“ მიკროფონია პრობლემა“, - ამის შესახებ ტელეკომპანიის მფლობელმა და გენერალურმა დირექტორმა ნიკა გვარამიამ ჟურნალისტებს განუცხადა.

 როგორც გვარამიამ პროკურატურაში შესვლამდე აღნიშნა, ედავებიან აბსურდულ საქმეს და კომენტარის გაკეთება არ აპირებს.

„ეს მიკროფონია („მთავარი არხის“) არის პრობლემა. მე დავიჭერ, რომელიც დროებითია და მალე იქნება ნამდვილი და საბოლოოდ ყველა დანარჩენზე ლამაზი და კარგი, ისევე როგორც ნიუსი ყველაზე უკეთესი. ბოდიში ყველასთან კოლეგებო, მაგრამ მთავარი მიზეზი არის ეს მიკროფონი. დღეს ვარ აბსოლურტურად ემოციებისგან დაცლილი და მშვიდი, რამდენიმე მიზეზის გამო. უკვე ეს გაბრაზება იმასთან დაკავშირებით რომ კორუფცია ჩემთვის წითელი ხაზია და მიუღებელი, უკვე ამის გამოხატვაც არ შემიძლია, იმიტომ რომ პროკურატურისგან მომდის ანეგდოტები, მოგონილი ისტორიები, რომელიც ბუნებაში არ ყოფილა. მეუბნებიან, რომ ფული რომელიც იყო არ ყოფილა. მერე რაა, რომ ბანკში შეტანის საბუთი არსებობს. აი, ასეთ სისულელეს რა უნდა ვუპასუხო?! ვარ მშვიდად, ასევე, იმიტომ რომ ჩემი ცხოვრების მთავარი საქმე უკვე გავაკეთე და დავასრულე. აი ამ მიკროფონის ირგვლივ ყველაფერი მზად არის და გაკეთებულია. ჩემი სადმე ჩაჯენა და იზოლირება არავითარ შედეგს აღარ გამოიღებს“, - აღნიშნა ნიკა გვარამიამ.

შეგახსენებთ, რომ  გენერალურმა პროკურატურამ „რუსთავი 2“-ის ყოფილ გენერალურ დირექტორ ნიკა გვარამიას კიდევ ერთი ბრალდება წარუდგინა. როგორც უწყებაში გამართულ ბრიფინგზე პროკურორმა კოკა კაციტაძემ განაცხადა, გვარამიას ბრალი ედება სამაუწყებლო კომპანია რუსთავი 2-ის კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში, რაც ჩადენილი იქნა წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით, აგრეთვე კომერციული მოსყიდვისა და ყალბი ოფიციალური დოკუმენტის დამზადებასა და გამოყენებაში, რამაც მნიშვნელოვანი ზიანი გამოიწვია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სიორიძე - ძლიერი საქართველო - ლელო საკონსტიტუციოში პარტიების აკრძალვის პროცესზე იქნება წარმოდგენილი

აღმოაჩინე საქართველოს ბანკის განათლების პროგრამები და ისწავლე უფასოდ - განაცხადების მიღება დაიწყო

CNN: თუ აშშ ირანზე თავდასხმებს განაახლებს, შესაძლოა, „ყველა ბომბის დედა“ გამოიყენოს

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios