ფრაქცია „ნაციონალური მოძრაობის“ სხდომა, სადაც პრემიერ-მინისტრობისა და მინისტრობის კანდიდატებისთვის უნდა მოესმინათ, შეწყდა.

თავდაპირველად სხდომის შეწყვეტა ენმ-ის წევრმა სალომე სამადაშვილმა მოითხოვა და აღნიშნა, რომ ვინაიდან შენობაში მოქალაქეებს არ უშვებენ, სხდომის გაგრძელება მიზანშეწონილად არ მიაჩნია.

„ბატონო რომან, ჩემი მოთხოვნაა, რამდენადაც ჩვენ როგორც ვხედავთ, არანაირი პასუხი შეკითხვებზე არ არსებობს და არ უშვებენ როგორც ჩანს საქართველოს მოქალაქეებს, ბატონი გახარიას მიერ თვალებდათხრილ მოქალაქეს მათ შორის, მე არ მიმაჩნია სწორად რომ ჩვენ მოვუსმინოთ დღეს ამ სისხლის სამართლის დამნაშავეს, რომელიც პარლამენტის ტრიბუნიდან მოგვმართავს და ვითხოვ, რომ შევწყვიტოთ სხდომა, შევუერთდეთ გარეთ საქართველოს მოქალაქეებს, რომლებსაც დღეს პარლამენტის კარები ჩაუკეტა ბატონმა გახარიამ. ბატონო გახარია, თქვენ საკუთარი მოკლევადიანი პრემიერ-მინისტრობის ვადის გატარება მოგიწევთ ძლიერი დაცვის ქვეშ. ვერც ერთ მოქალაქეს ვერ დაელაპარაკებით თავისუფლად, იმიტომ რომ ამ რეჟიმში გიწევთ საკუთარი საქმიანობის დაწყება“, - განაცხადა სამადაშვილმა.

ფრაქციის თავმჯდომარე რომან გოცირიძემ თანაპარტიელის მოთხოვნა გაითვალისწინა და სხდომა შეწყვიტა.

 „მე მივიღე ინფორმაცია, რომ პარლამენტი კვლავ არღვევს რეგლამენტს და ფაქტობრივად პარლამენტი არის იზოლირებული, არ უშვებენ იმ ადამიანებსაც კი, ვისაც აქვს საშვი და იმათაც, ვინც აქ მუშაობს. ეს არ არის გასაკვირი, მაგრამ დღეს, როდესაც ფაქტობრივად მტკიცდება „გავრილოვის მთავრობა“, პარლამენტის ადმინისტრაცია იმდენს ბედავს, რომ იმ ადამიანებსაც არ უშვებს, რომლებსაც აქვთ ყველანაირი უფლება, იყვნენ ამ დარბაზში და შეახსენონ თავი იმ დანაშაულის შესახებ, რომელიც ამ ხელისუფლებამ და პირადად თქვენ ჩაიდინეთ. ამიტომ ჩვენ არ მიგვაჩნია მიზანშეწონილად თქვენი გამოსვლის მოსმენა ასეთ პირობებში და ვწყვეტთ სხდომას“, - განაცხადა რომან გოცირიძემ.

 „ნაციონალური მოძრაობის“ გადაწყვეტილებას პრემიერ-მინისტრობისა და მინისტრობის კანდიდატები ტაშით უპასუხეს.

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება