„მე დღეს აქ მოსვლას არ ვგეგმავდი, იმიტომ რომ მკვლელებთან, ბატონო გახარია, შეკითხვები არ უნდა ისმებოდეს საქართველოს პარლამენტის პლენარულ სხდომათა დარბაზში“, - ამის შესახებ „ნაციონალური მოძრაობის“ წევრმა სალომე სამადაშვილმა პარლამენტში განაცხადა, სადაც ფრაქციის ფორმატში მთავრობის ახალ შემადგენლობას უსმენენ.

სამადაშვილმა პრემიერ-მინისტრობის კანდიდატ გიორგი გახარიას მიმართა და განაცხადა, რომ მას პარლამენტში საგამოძიებო კომისიაზე მოუწევს მისვლა და კითხვებზე პასუხის გაცემა.

„მკვლელებს იბარებს პროკურატურა უსვმას შეკითხვებს და პარლამენტში თუ მოდიან ერთადერთ ფორმატში, პარლამენტის საგამოძიებო კომისიაზე. თქვენ ბატონო გიორგი, გაძლევთ გარანტიას, რომ მოგიწევთ სწორედ ამ ფორმატში ყველა შეკითხვაზე პასუხის გაცემა, როდესაც ქვეყანაში აღდგება ეროვნული ხელისუფლება. თუ რა თქმა უნდა არ გაიქეცით მანამდე თქვენს მეორე სამშობლოში, მაგრამ არ ვიცი, შეიძლება არ მიგიღონ იქ შესაბამისმა ორგანოებმა შეუსრულებელი დავალებების გამო, როდესაც გაგყრით ქართველი ხალხი აქედან“, - მიმათა სამადაშილმა გახარიას.

მან ასევე ია კერზაიას საქმეზე და 20-21 ივნისის მოვლენებზე გაამახვილა ყურადღება და პრემეირ-მინისტრობის კანდიდატი გააკრიტიკა.

„მე იძულებული გავხდი, რომ დღეს მოვსულიყავი და თქვენთვის შემეხედა, არანაირი სურვილი არ მაქვს, რომ გიყურებდეთ, მაგრამ იძულებული გავხდი, რომ მოვსულიყავი, იმიტომ რომ გუშინ, ია კერზაიას, თქვენს მიერ მოკლული ადამიანის შვილმა, მთხოვა, რომ მოვსულიყავი აქ და თქვენთვის ჩამეხედა თვალებში და მეკითხა, რატომ მოკვდა დედამისი. ია კერზაია, რომლის საქმეც თქვენ დახურეთ ერთი კვირის წინ. გამოცხადეთ, რომ არ არის თურმე მსხვერპლი, როდესაც ადამიანი გარდაიცვალა გულის შეტევით, იმიტომ რომ ვერ გაუძლო იმ ჯალათობრივ ზეწოლას და ძალადობას, რომელიც განახორციელეს თქვენი ხელმძღვანელობის ქვეშ სამეგრელოში.

მე მოვედი ამ ხალხის სახელით, თქვენგან თვალებდათხრილი და გაუბედურებული ადამიანების სახელით. როგორ ბედავთ, რომ მოდიხართ საქართველოს პარლამენტში და თავს წარუდგენთ ქართველ ხალხს, რომელიც სკანდირებს დღეს, რომ გახარიას უხარია ბავშვებს რომ თვალებს თხრიან. თქვენ იმის მაგივრად, რომ 20 ივნისს გამოსულიყავით და როგორც გჩვევიათ, ერთხელ მოიხადეთ ბოდიში, უნდა მოგეხადათ ისევ ძალიან დიდი ბოდიში ხალხისთვის და წასულიყავით. ამის ნაცვლად აქ მოდიხართ და ქვეყნის პრემიერ-მინისტრის რანგში გსურთ რომ მოგისმინოთ? რა შეკითხვები შეიძლება მქონდეს თქვენთან?! ამ უბედურების შემოქმედთან. ეს არის გზა, რომელიც გადის თქვენი პრემიერ-მინისტრობასთან. მაინტერესებს, ბოლო ჟამის მინისტრთა კაბინეტია ეს, იმიტომ რომ ბოლო ჟამი რომ დგება ხელისუფლების ცხოვრებაში ვიცით ხოლმე თქვენნაირ ადამიანებს რომ წინ წამოწევენ და პრემიერ-მინისტრის რანგს შესთავაზებენ. აქ რომ გიწევთ შემოსვლა პოლიციის კორდონის ქვეშ, იმიტომ რომ ხალხის გეშინიათ, როგორ აპირებთ რომ იმუშაოთ, იარსებოთ, როგორც ქვეყნის ხელისუფლებამ?“, - მიმართა სამადაშვილმა პრემიერ-მინისტრობის კანდიდატს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს