|
2019-09-05 18:00:55, 1239 ნახვა
ეკონომიკა
ნათია თურნავა - ადგილობრივი წარმოების წახალისება ჩვენი მთავარი ამოცანაა
ადგილობრივი წარმოების წახალისება, კერძოდ, საექსპორტო წარმოების ხელშეწყობა ჩვენი მთავარი ამოცანაა, - ამის შესახებ ეკონომიკისა და მდგრადი განვითარების მინისტრობის კანდიდატმა ნათია თურნავამ საქართველოს პარლამენტში სიტყვით გამოსვლისას განაცხადა. მისი თქმით, თუ დავაკვირდებით სტატისტიკას, ექსპორტი უკვე იქცა ჩვენი ეკონომიკური ზრდის ერთ-ერთ გამწევ ძალად. „ამ მიმართულებითაც გვაქვს საგრძნობი პროგრესი - მნიშვნელოვნად იზრდება როგორც საქონლის, ასევე მომსახურების ექსპორტი. 2019 წლის იანვარ-ივლისში ექსპორტი გაიზარდა 12.4 პროცენტით და 2,1 მლრდ. დოლარს გადააჭარბა," – აღნიშნა ნათია თურნავამ. მისივე თქმით, საქართველო არის ლიდერი ლიბერალური რეჟიმის მქონე ქვეყნებს შორის და საქართველოში წარმოებულ პროდუქციას მსოფლიო სამომხმარებლო ბაზრის 1/3-ზე აქვს წვდომა თავისუფალი ვაჭრობის რეჟიმით (ჯამში 2.3 მილიარდზე მეტი მომხმარებელი). „საგარეო ვაჭრობის შემდგომი ლიბერალიზაციის მიზნით სამინისტრო აგრძელებს ძალიან აქტიურ მუშაობას ინდოეთთან და ბრექსიტიდან გამომდინარე, დიდ ბრიტანეთთან თავისუფალი ვაჭრობის ხელშეკრულების გაფორმებაზე. საკმაოდ წინ წავიწიეთ ამ პროცესში. მიმდინარეობს მუშაობა ყურის არაბულ ქვეყნებთან (GCC) თავისუფალი ვაჭრობის შეთანხმებაზე მოლაპარაკებების დაწყების მიმართულებით. რაც ძალიან მნიშვნელოვანია ჩვენთვის ეკონომიკურადაც და პოლიტიკურადაც, აშშ - საქართველოს შორის სავაჭრო ურთიერთობების გაღრმავებისა და გაფართოვების მიზნით აშშ-ის ახალ ადმინისტრაციასთან მიმდინარეობს კონსულტაციები", - აღნიშნა ნათია თურნავამ. მისივე თქმით, 2018 წლის მაისში განხორციელდა ამერიკასთან თავისუფალი ვაჭრობის გაფორმების მიზანშეწონილობის კვლევა, რომელმაც აჩვენა საკმაოდ პოზიტიური შედეგები. „გრძელდება აქტიური კონსულტაციები ექსპერტთა დონეზე ვაჭრობასთან დაკავშირებულ სხვადასხვა საკითხებზე ამ თემაზე დიალოგის შემდგომი გაღრმავების მიზნით და ჩვენ ვართ საკმაოდ ოპტიმისტურად განწყობილები", - განაცხადა ნათია თურნავამ.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



