„რომ არა მინისტრი და თოთოეული პოლიციელი ალბათ 20 წლით უკან გადავარდებოდა მთელი ქვეყანა“, - ასე  გამოეხმაურა შინაგან საქმეთა მინისტრობის კანდიდატი ვახტანგ გომელაური 20 ივნისის ღამეს განვითარებულ მოვლენებს.

გომელაურის შეფასებით, ძალიან მძიმე ამბავი მოხდა 20 ივნისს, თუმცა ცალსახად გამიჯვნა, რომ თოთოეული მოქალაქე მართალი იყო,  ყველა პოლიციელი დამნაშავე, არასწორია.

„რაც შეეხება 20 ივნისის თემებს, მოხდა ძალიან სამწუხარო რამ, რაც ძალიან ცუდია. მე მინდა ხაზი გავუსვა, რომ ცუდია, როგორც მოქალაქეები დაზარალდნენ, ასევე პოლიციელები. 80-ზე მეტი პოლიციელი მეორე დღეს საავადმყოფოში იწვა და მკურნალობდა, ასევე მხედველობა დაკარგა ერთმა საერთოდ და მეორეს რაღაც პროცენტები დარჩა. კიდევ ერთხელ ვიმეორებ, ეს ყველაფერი ძალიან ცუდია, გოგონამ თვალი დაკარგა და კიდე რამდენიმე ადამიანს თვალი დაუზიანდა. ძნელი იყო კონტროლირება, ასე ვიზამდი, ისე ვიზამდი. რა თქმა უნდა, რომ დასრულდება ყველაფერი შემდეგ ადვილია საუბარი.მე 26-ე წელია ვმუშაობ და როცა შენს მეწყვილეს ხედავ რომ ათეულობით ადამიანი იტაცებს, გაჰყავს, ფეხით თევალვენ, გლიჯავენ ჩაფხუტებს, ფორმას აგლიჯავენ და სცემენ... იქ რა თქმა უნდა, გადაცდომები იყო და პროკურატურა და სასამართლო არსებობს და მოქალაქე იქნება თუ პოლიციელი გადაცდომაზე პასუხი უნდა აგოს. მაგრამ ის რომ მოქალაქეები ყველა მართლები იყვნენ და მხოლოდ პოლიციელებმა დააშავეს, ასე არ შეიძლება რომ მივუდგეთ. ის ადამიანები იდგნენ და მინდა მადლობა მოვუხადო მინისტრიდან დაწყებული რიგითი პოლიციელით დამთავრებული, სახელმწიფოებრივობა დაიცვეს, რომ არა ისინი ალბათ 20 წლით უკან გადავარდებოდა მთელი ქვეყანა“, - აღნიშნა გომელაურმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო