ეკონომიკისა და მდგრადი განვითარების მინისტრის მოადგილეებმა ნიკოლოზ ალავიძემ და ეკატერინე მიქაბაძემ მონაწილეობა მიიღეს თანადაფინანსების გრანტების პროგრამაში გამარჯვებული სტარტაპერების დაჯილდოების ოფიციალურ ცერემონიაში.

ინოვაციების და ტექნოლოგიების სააგენტომ მსოფლიო ბანკის პროექტის ,,ეროვნული ინოვაციების ეკოსისტემის” (GENIE) ფარგლებში თანადაფინანსების გრანტების პროგრამა 2019 წლის 31 მაისს მესამედ გამოაცხადა. 

დაჯილდოების ცერემონია ოფიციალურად გახსნა პარლამენტის თავმჯდომარემ არჩილ თალაკვაძემ. სტარტაპერებს ასევე სიტყვით მიმართეს აშშ - ის ელჩის მოვალეობის შემსრულებელმა საქართველოში ელიზაბეთ რუდმა და ეკონომიკისა და მდგრადი განვითარების მინისტრის მოადგილემ ნიკოლოზ ალავიძემ. 

პროგრამის ფარგლებში სულ 20 გამარჯვებული გამოვლინდა,  თითოეულ მათგანს 100 ათასი ლარის ოდენობის გრანტი გადაეცა. გადაწყვეტილება საინვესტიციო კომიტეტმა მიიღო, რომელიც დაკომპლექტებული იყო მაღალი დონის საერთაშორისო ვენჩურული ინვესტორების მიერ.  

ნიკოლოზ ალავიძის განცხადებით, თანადაფინანსების გრანტები წარმოადგენს დაფინანსების  ერთ-ერთ ყველაზე მეტად გავრცელებულ ინსტრუმენტს, რომელიც ინოვაციის მხარდასაჭერად გამოიყენება, როგორც განვითარებული, ისე განვითარებადი ეკონომიკის მქონე ქვეყნებში. მისი თქმით, ეკონომიკისა და მდგრადი განვითარების სამინისტრო, ინოვაციებისა და ტექნოლოგიების სააგენტოსთან ერთად, აქტიურად მუშაობს საერთაშორისო პოტენციალის მქონე ინოვაციური პროდუქტების და მომსახურების  შემუშავება-ათვისების  და კომერციალიზაციის, ასევე ინოვაციური სტარტაპების მხარდაჭერის და სტიმულირების მიმართულებით. 

„საქართველო მცირე ეკონომიკის ქვეყანაა, შესაბამისად, ამ მასშტაბის პროგრამები სასიცოცხლოდ მნიშვნელოვანია ქვეყნის ეკონომიკისა და ციფრული, ტექნოლოგიური პროგრესისთვის, ამ მიმართულებით თანამედროვე ტრენდების დანერგვის კუთხით,“ - განაცხადა ეკონომიკისა და მდგრადი განვითარების მინისტრის მოადგილემ.

მისი თქმით, თანადაფინანსების გრანტების პროგრამა საუკეთესო და უკვე ძალიან პოპულარული ინსტრუმენტია იმ ახალგაზრდებისთვის, რომელთაც ამ სექტორში მუშაობის გამოცდილება სჭირდებათ, მათი პროფესიული ზრდისთვის, ასევე საერთაშორისო ტრენდების შესახებ ინფორმაციის პირველი პირებისგან მისაღებად და კონტაქტების დასამყარებლად. თანადაფინანსების გრანტების პროგრამის მიზანია  საქართველოში საერთაშორისო პოტენციალის მქონე ინოვაციური პროდუქტების და მომსახურების  შემუშავება-ათვისების  და კომერციალიზაციის გზით  ინოვაციების და ინოვაციური საწარმოების წარმოქმნის სტიმულირება. თანადაფინანსების გრანტები წარმოადგენს დაფინანსების  ერთ-ერთ ყველაზე მეტად გავრცელებულ ინსტრუმენტს, რომელიც ინოვაციის მხარდასაჭერად გამოიყენება, როგორც განვითარებული ისე განვითარებადი ეკონომიკის მქონე ქვეყნებში. 

(NS)

ავტორი: ექსპრესნიუსი,

სოციალური ქსელები

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ