„საზოგადოების მნიშვნელოვანი ნაწილისთვის ასეთი არასასურველი პირის გაპრემიერება, ვსაუბრობ ბატონ გახარიაზე, მხოლოდ გააღრმავებს წინააღმდეგობასა და პოლარიზაციას ხელისუფლებასა და ხალხს შორის“, - ამის შესახებ პარლამენტის დამოუკიდებელმა დეპუტატმა ნატო ჩხეიძემ საგაზაფხულო სესიის პლენარულ სხდომაზე განაცხადა.

როგორც მან აღნიშნა ხელისუფლება მსგავს პროცესს უნდა ერიდებოდეს, თუ თავად არ გეგმავს რაიმე პროვოკაციას.

„თუკი ხელისუფლებას ასეთი განზრახვა აქვს, მისთვისვე დამთავრდება საბედისწეროდ. რატომ იმოკლებს არსებობის დღეებს „ქართული ოცნება“ და რატომ აძლევს სადავეებს ოპოზიციას, ძნელი ასახსნელია, მაგრამ ეს აშკრადა სახიფათო თამაში, საკუთარი ამომრჩევლის უპატივცემულობა და აბუჩად აგდებაა“, - განაცხადა ნატო ჩხეიძემ.

შეგახსენებთ, დღეს „ქართულმა ოცნებამ“ პრემიერ-მინისტრის პოსტზე გიორგი გახარია წარადგინა. თავის მხრივ, გახარიამ მედიას სამთავრობო ცვლილებები გააცნო და აღნიშნა, რომ შს მინისტრის პოსტს სუს-ის უფროსი ვახტანგ გომელაური დაიკავებს,  თავდაცვის მინისტრის პოსტს ყოფილი პრემიერი, ირაკლი ღარიბაშვილი, ხოლო ლევან იზორია ეროვნული უსაფრთხოების საბჭოს უხელმძღვანელებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს