აჭარის მთავრობის თავმჯდომარე თორნიკე რიჟვაძე „სწავლა საზღვარგარეთ" პროგრამის  ფარგლებში დაფინანსებულ სტუდენტებს შეხვდა. 

პროგრამას აჭარის განათლების, კულტურისა და სპორტის სამინისტრო, აჭარის მთავრობის დაფინანსებით, 2014 წლიდან ახორციელებს.

"ჩვენ ასეთ განათლებულ ახალგაზრდებში ვხედავთ ყველაზე დიდ პოტენციალს და მინდა გამოვთქვა სურვილი, გამოვხატო მზადყოფნა მათი მხარდაჭერისა დასაქმების კუთხით. ჩვენი სურვილია, რომ როცა ეს სტუდენტები დაასრულებენ სწავლა-განათლებას საზღვარგარეთ, დაუბრუნდნენ ამ ქალაქს, ამ რეგიონს და მათი წვლილი შეიტანონ საერთო საქმის კეთებაში.

ამოცანა მართლაც ესაა: ჩვენ გვჭირდება განათლებული თაობა. ბევრი სფერო მოითხოვს რეფორმებს, დიდ ცვლილებებს, ხოლო ამ ცვლილებებს განათლებული ადამიანები სჭირდება, ვინც ევროპული და ამერიკული ქვეყნების გამოცდილება იცის", - განაცხადა თორნიკე რიჟვაძემ სტუდენტებთან შეხვედრისას.

პროგრამა „სწავლა საზღვარგარეთ" ევროკავშირის წევრი ქვეყნების, ამერიკის შეერთებული შტატების, კანადის, შვეიცარიისა და ნორვეგიის უმაღლესი საგანმანათლებლო დაწესებულებებში სამაგისტრო და სადოქტორო პროგრამებზე სწავლებას ითვალისწინებს.

პროგრამის ფარგლებში დაფინანსებულია 60 სტუდენტი, მათ შორის 2019 წელს კონკურსის წესით დაფინანსება მოიპოვა 18 აპლიკანტმა.  პროგრამის ბიუჯეტი 2019 წელს 675 000  ლარია.

(NS)

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს