სენატორები - ერთ-ერთი მიზეზი რის გამოც რუსეთი „დიდ შვიდეულში“ არ უნდა დაბრუნდეს, საქართველოს ტერიტორიების ოკუპაციაა

2019-08-29 17:31:01, 1254 ნახვა

პოლიტიკა

ამერიკელი სენატორები რუსეთის "დიდ შვიდეულში" დაბრუნებას ეწინააღმდეგებიან. შესაბამისი შინაარსის წერილით კანონმდებლებმა თეთრი სახლის ლიდერს დონალდ ტრამპს მიმართეს.

წერილის ტექსტი სენატორმა ბობ მენენდესმა Twitter-ის საკუთარ გვერდზე გაავრცელა.

როგორც სენატორების წერილშია ნათქვამი, „დიდი შვიდეულის“ დანიშნულება „დემოკრატიული ქვეყნების ეკონომიკური განვითარება და საერთაშორისო კანონმდებლობის საერთო ღირებულებების დაცვაა.

კანონმდებლები მიიჩნევენ, რომ რუსეთი არ წარმოადგენს არც დემოკრატიულ ინსტიტუციებს და არც ეკონომიკურ ძალას. წერილში აღნიშნულია, რომ რუსეთი "დიდი რვიანიდან" 2014 წელს ყირიმის უკანონო ანექსიის გამო გარიცხეს.

წერილში მოცემულია ჩამონათვალი, რის გამოც რუსეთი „დიდ შვიდეულში“ არ უნდა დააბრუნონ, მათ შორის არის საქართველოს ტერიტორიების უკანონო ოკუპაციის გაგრძელება, ამერიკის საპრეზიდენტო არჩევნებში ჩარევა, დიდ ბრიტანეთში ქიმიური იარაღის გამოყენება [სკრიპალების საქმე], სირიაში სადის რეჟიმის მხარდაჭერა და რუსეთში პოლიტიკური ოპონენტების დევნა.

Our message to President Trump:

President Putin—under no circumstances—should be readmitted to the #G7 until the Russian government undertakes demonstrable actions to show its willingness to be a responsible actor on the world stage. #G7Biarritz pic.twitter.com/tInRhmBJqw
— Senator Bob Menendez (@SenatorMenendez) August 27, 2019