ევროკავშირის სადამკვირვებლო მისიის ხელმძღვანელი ერიკ ჰოგი დღეს, ადმინისტრაციულ სასაზღვრო ხაზზე, სოფელ გუგუტიანთკართან ახლოს იმყოფებოდა. 

როგორც ჰოგი Twitter-ის საკუთარ გვერდზე წერს, ახალი ღობეების აღმართვა მოსახლეობას კიდევ უფრო ჰყოფს. 

„დღეს დილით, ადმინისტრაციულ სასაზღვრო ხაზზე, სოფელ გუგუტიანთკართან ახლოს მიმდინარე „ბორდერიზაციის“ პროცესზე დაკვირვების მიზნით, ჟენევის საერთაშორისო დისკუსიების ორ თანათავმჯდომარესთან ერთად ევროკავშირის სადამკვირვებლო მისიის საპატრულო ჯგუფს შევუერთდი. ახალი ღობეების აღმართვა მოსახლეობას კიდევ უფრო ჰყოფს. ეს საკითხი ხვალ ერგნეთში ინციდენტების პრევენციისა და მათზე რეაგირების შეხვედრის დროსაც განიხილება“, - წერს ერიკ ჰოგი.

ცნობისთვის, ჰოგისთან ერთად ადგილზე სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი ტოივო კლაარი იმყოფებოდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება