ბრაზილიის მთავრობა ამაზონის ტყეებში ხანძრის ჩასაქრობად „დიდი შვიდეულის“ ქვეყნების მიერ შეთავაზებულ თანხაზე უარს ამბობს, - ამის შესახებ BBC იუწყება.

მედია საშუალების ინფორმაციით, უცნობია თუ რა მიზეზის გამო ბრაზილიელი მაღალჩინოსნები უარს აცხადებენ ფინანსური დახმარების მიღებაზე.

როგორც ბრაზილიის პრეზიდენტის წარმომადგენელმა ონიქს ლორენცონიმ განაცხადა, ქვეყანა ცეცხლის ჩაქრობის ხელშეწყობისთვის 44 ათას ჯარისკაცს გაგზავნის ამაზონის ტყეებში. 

„მადლობა, მაგრამ ეს რესურსი შესაძლოა უფრო მართებული იყოს ევროპაში ტყეების გაშენებისთვის. მაკრონს ისიც კი არ შეუძლია, რომ მსოფლიო მნიშვნელობის ტაძარში ხანძრის გაჩენა აღკვეთოს. ახლა კი, მას სურს ჩვენს ქვეყანას ჭკუა ასწავლოს?!ბრაზილიას შეუძლია ნებისმიერ ერს ასწავლოს, თუ როგორ უნდა დაიცვა ტყეები", - დასძინა ლორენცონიმ. 

ცნობისთვის, „დიდი შვიდეულის“ ქვეყნები ამაზონის ხანძართან გასამკლავებლად 22 მილიონ დოლარს გამოყოფენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია