|
2019-08-15 16:38:05, 1884 ნახვა
ეკონომიკა
მიქაბაძე: საქართველოში თითქმის 6 წელიწადში უფრო მეტი ინვესტიცია შემოვიდა, ვიდრე მანამდე 12 წლის განმავლობაში
„2012 წლის ბოლო კვარტალიდან დღემდე საქართველოში შემოვიდა უფრო მეტი პირდაპირი უცხოური ინვესტიცია, ვიდრე მანამდე - თითქმის 12 წლის მანძილზე“, - განაცხადა ეკონომიკისა და მდგრადი განვითარების მინისტრის მოადგილე ეკატერინე მიქაბაძემ „საქსტატის" მიერ 2018 წლის პირდაპირი უცხოური ინვესტიციების დაზუსტებული მონაცემის კომენტირებისას. მინისტრის მოადგილის განცხადებით, 2018 წელს საქართველოში განხორციელებული პირდაპირი უცხოური ინვესტიციების მოცულობა დაზუსტდა, რომელმაც 1 265.2 მლნ. აშშ დოლარი შეადგინა, რაც 2018 წლის წინასწარ მონაცემს 2.7 პროცენტით აღემატება. „2018 წლის განმავლობაში პირდაპირი უცხოური ინვესტიციების მოცულობა, მართალია, შემცირებულია წინა წელთან შედარებით, როდესაც პირდაპირი უცხოური ინვესტიციების რეკორდული მაჩვენებელი დაფიქსირდა, მაგრამ საქმე გვაქვს ობიექტურ ფაქტორებთან, რომლებიც ერთმანეთს დაემთხვა და არცერთი მათგანი არ უკავშირდება რაიმე ფუნდამენტური რისკის რეალიზაციას ან საინვესტიციო გარემოს გაუარესებას," - აღნიშნა ეკატერინე მიქაბაძემ და დეტალურად განმარტა შემცირების ძირითადი მიზეზები. მინისტრის მოადგილის თქმით, მაგისტრალური გაზსადენის პროექტი ფინალურ ეტაპზე გადავიდა, შესაბამისად, როგორც მოსალოდნელი იყო, შემცირდა ინვესტიციები ტრანსპორტის სექტორში. ეკატერინე მიქაბაძის განცხადებით, ასევე გვაქვს ორი მნიშვნელოვანი მოვლენა - არარეზიდენტების მიმართ უცხოური ვალდებულებების გასტუმრება, რაც ცალსახად პოზიტიური მოვლენაა საგარეო მოწყვლადობის შემცირების მიმართულებით და მეორე - რამდენიმე მსხვილი საწარმო, რომელიც ადრე წარმოადგენდა არარეზიდენტების საკუთრებას, საქართველოს რეზიდენტების საკუთრებაში გადმოსვლა. მინისტრის მოადგილის განცხადებით, საქართველოს სტატისტიკის სამსახურმა მონაცემთა ხარისხის გაუმჯობესების მიზნით, საერთაშორისო სავალუტო ფონდის რეკომენდაციებისა და საერთაშორისო მეთოდოლოგიისა და სტანდარტების მიხედვით, არარეზიდენტებისგან მიღებული სესხების რეკლასიფიკაცია განახორციელა. „დეტალური კვლევის შედეგად იდენტიფიცირებულ იქნა ცალკეული შემთხვევები, სადაც სესხის გამცემი წარმოადგენდა არა „სხვა არარეზიდენტს", არამედ სესხის მიმღებ კომპანიასთან დაკავშირებულ სუბიექტს. ამგვარი სესხი კი საერთაშორისო სტანდარტების მიხედვით პირდაპირ უცხოურ ინვესტიციას წარმოადგენს. შედეგად, 2007-2018 წლების პირდაპირი უცხოური ინვესტიციების მაჩვენებლები გაიზარდა“, - აღნიშნა ეკატერინე მიქაბაძემ.
(NS)
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



