საქართველოს ფინანსთა მინისტრი ივანე მაჭავარიანი ტელეკომპანია „იმედის“ ეთერში გასულ ფილმს გამოეხმაურა, სადაც 2008 წლის აგვისტოს ომში მთავარ დამნაშავედ წინა ხელისუფლებაა მითითებული.

მაჭავარიანის განმარტებით, მას ფილმი არ უნახავს.

ამასთან ფინანსთა მინისტრმა 2008 წლის აგვისტოს ომის აშშ-ს ყოფილი სახელმწიფო მდივნის, კოლინ პაუერის სიტყვებით შეაფასა  და აღნიშნა, რომ „სააკაშვილმა გაზით სავსე ოთახში ასანთის ღერი აანთო“.

„ფილმი არ მინახავს, ამიტომ, აქცენტები რამდენად მეტი ან ნაკლები იყო, ამაზე კომენტარს ვერ გავაკეთებ, მაგრამ ჩემს პოზიციას 2008 წლის მოვლენებთან დაკავშირებით დაუფარავად გეტყვით. არაერთხელ თქმულა, რომ, რასაკვირველია, საქართველო არ შემოჭრილა რუსეთის ტერიტორიაზე, რუსეთი შემოიჭრა. ამაზე არავინ დაობს, მაგრამ საქართველოს ხელისუფლების პასუხისმგებლობა ამ საკითხთან დაკავშირებით ძალიან დიდია. როდესაც ეს კითხვა ჩნდება, ყველაზე უფრო სწორი პასუხი მოვისმინე ამერიკის სახელმწიფო მდივნის მიერ. ჩNN-ზე 5  ყოფილი სახელმწიფო მდივანი საუბრობდა სხვადასხვა თემაზე და, მათ შორის, აგვისტოს ომზეც. კოლინ პაუერის პასუხი მომეწონა ყველაზე მეტად. მან ასე შეაფასა: ეს მოვლენა ჰგავდაო, რომ სააკაშვილმა გაზით სავსე ოთახში ასანთის ღერი აანთოო, თუმცა ოთახში რომ გაზი იყო ეს, ცხადია რუსეთის „დამსახურება“ არისო“,- განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს