|
2015-07-09 09:42:09, 823 ნახვა
ეკონომიკა
გიორგი კაკაურიძე: მთავრობა საერთაშორისო სავალუტო ფონდის რეკომენდაციებს ძალიან კარგად გაეცნო
ფინანსთა მინისტრის მოადგილის გიორგი კაკაურიძის განცხადებით, მთავრობა საერთაშორისო სავალუტო ფონდის რეკომენდაციებს ძალიან კარგად გაეცნო. ასე უპასუხა კაკაურიძემ ჟურნალისტების კითხვას - „გაითვალისწინა თუ არა ხელისუფლებამ ბიუჯეტის კორექტირებისას სავალუტო ფონდის რეკომენდაციები, რომელიც ხარჯების მნიშვნელოვან შემცირებას ითვალისწინებდა.“ მისი თქმით, სავალუტო ფონდის მთავარი რეკონდაციები საბიუჯეტო დეფიციტის შემცირებას ეხებოდა. „დამიჯერეთ სავალუტო ფონდის რეკომენდაციები ძალიან კარგად გვაქვს გავლილი. მთავარი რეკომენდაციები იყო არა უბრალოდ ხარჯების, არამედ საბიუჯეტო დეფიციტის შემცირება. ჩვენ შინაარსობრივად შევცვალეთ ხარჯები და საბოლოო ჯამში გვაქვს საბიუჯეტო დეფიციტი 3%-ის ფარგლებში. ბიუჯეტის ახალი ფისკალური პარამეტრები სავალუტო ფონდთანაც შეთანხმებული გვაქვს“,-განაცხადა გიორგი კაკაურიძემ. ამასთან, როგორც კაკაურიძემ აღნიშნა, მთავრობამ საგადასახო შემოსავლების დასაბალანსებლად ახალი წყაროები მოიძია. „ხარჯების მნიშვნელოვანი კლება არ ხდება. ეკონომიკური ზრდის მაჩვენებლების შემცირება იწვევს საგადასახადო შემოსავლების შემცირებას და შესაბამისად, ჩვენ მოვიძიეთ ალტერნატიული წყაროები იმისთვის, რომ დანაკლისი რაც საგადასახადო შემოსავლების შემცირებით მივიღეთ დავაბალანსოთ. ეს არის მეოთხე თაობის ლიცენზიები. დამატებითი გრანტები და შემოსავლების სხვა წაყროები. რაც შეეხება ექსპერტების მოსაზრებას, შესაძლოა ზოგიერთ ექსპერტს სურს, რომ პენსია არ გავცეთ ან სოციალური პროგრამები შევამციროთ. თუმცა, ამას რა თქმა უნდა არ დავუშვებთ. რაც მცირდება ხარჯვით ნაწილში ეს დაახლოებით 160 მილიონიანი შემცირებაა. სრულიად საკმარისია და ადეკვატურია იმისთვის, რა საჭიროებებიც უდგას ბიუჯეტს, რომ მოემსახურს საგარეო ვალდებულებებს, ასევე სტიქიის შედეგების სალიკვიდაციოდ მიმართოს თანხები“,-განაცხადა გიორგი კაკაურიძემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



