„ყირიმის მოვლენებმა ნათლად გვაჩვენა, რომ  არსებობს ორი სცენარი - ან მთლიანად ნებდები, ან უბრალოდ იბრძვი, მესამე სცენარი არ არსებობს“, - ასე უპასუხა საქართველოს ექსპრეზიდენტმა მიხეილ სააკაშვილმა IWPR-ს ჟურნალისტს კითხვაზე, წამოეგო თუ არა 2008 წლის აგვისტოს ომის დროს რუსეთის პროვოკაციას.

ექსპრეზიდენტმა აღნიშნა, რომ რუსეთის სცენარი სრულმასშტაბიანი შემოჭრა იყო, მაგრამ მისი შენიღბვა გარკვეულ ოსურ ჯგუფთან დაპირისპირებით სურდათ.

„ეს სიმართლე არ არის. ყირიმის მოვლენებმა ნათლად გვაჩვენა, რომ  არსებობს ორი სცენარი - ან ბოლომდე ნებდები, ან, უბრალოდ, აგრძელებ ბრძოლას, მესამე სცენარი არ არსებობს. როცა ისინი [რუსის ჯარი]  უკვე შემოვიდნენ, ვინ დაიწყო ომი?  ტალიავინის დასკვნაში ამ ფაქტის  შესახებ ძალიან უსიამოვნოდ წერია. ნათქვამია, რომ რუსი სამხედროები უკვე იყვნენ ადგილზე, მაგრამ კონფლიქტი საქართველომ დაიწყო. მაპატიეთ, მაგრამ რას გულისხმობს ჯარის იქ ყოფნა? რა უბედურებაა ეს? ვთქვათ, ყირიმში შევიდა რუსის ჯარი, მაგრამ კონფლიქტი არ დაიწყო, რადგან უკრაინელებს ბრძოლა არ სურდათ - ეს ჩაითვლება შეჭრად თუ არა? უნდა მოვერიდოთ შემოჭრას?

რუსეთის სცენარი ძალიან ცხადად იყო  ფორმულირებული და არა სპეკულირებული. ედუარდ კოკოითიმ [ოკუპირებული ცხინვალის რეგიონის მაშინდელი დე-ფაქტო პრეზიდენტი] თქვა „ჩვენ გავასუფთავებთ ხეობას ბანდიტებისგან“. მათი სცენარი იყო სრულმასშტაბიანი შემოჭრა, მაგრამ ამ შემოჭრის შენიღბვა ოსური ძალების ადგილობრივების გარკვეულ ჯგუფთან დაპირისპირებით სურდათ“, - განაცხადა მიხეილ სააკაშვილმა.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა