"ბავშვმაც კი იცის, როდესაც  ვსაუბრობთ, რომ  რუსული პოლიტიკაა ყველაფრის მიზეზი,  იგულისხმება ხელმძღვანელი პირები, არავის უჭირს ამის აღიარება [რომ პუტინი მტერია] - ასე უპასუხა თავდაცვის მინისტრმა ლევან იზორიამ ჟურნალისტების კითხვას იმის თაობაზე, თუ რატომ არ ამბობენ  ხელისუფლების წარმომადგენლები, რომ რუსეთის პრეზიდენტი, ვლადიმერ პუტინი მტერია. 

თავდაცვის მინისტრმა აგვისტოს ომზე საუბრისას აღნიშნა, რომ პასუხისმგებლიანმა ხელისუფლებამ ყველაფერი უნდა გააკეთოს პროვოკაციის თავიდან ასაცილებლად. 
„ეს ბავშვმაც კი იცის, ამ კითხვაზე პასუხი, როდესაც ვსაუბრობთ რუსული პოლიტიკაა ყველაფრის მიზეზი, ბუნებრივია, იგულისხმება ხელმძღვანელი პირები, ეს თქვენ გაქვთ მცდარი განცდა, არავის უჭირს ამის აღიარება [რომ პუტინი მტერია], ეს თქვენ გაქვთ მცდარი განცდა და ეს არის ცალსახად არამხოლოდ ჩვენ მიერ, საერთაშორისო საზოგადოების მიერ აღიარებული.
რაც შეეხება პასუხისმგებლობის საკითხს, პასუხისმგებლიან ხელისუფლებას უნდა ჰქონდეს იმის პასუხისმგებლობა, რომ მაქსიმალური გააკეთოს პროვოკაციის თავიდან ასაცილებლად,“ - განაცხადა იზორიამ.
ჟურნალისტის კითხვას, თუ რატომ აკისრებს მთავრობა პასუხისმგებლობას წინა ხელისუფლებას მაშინ, როდესაც რუსეთის მიერ ყირიმის ანექსიაში უკრაინის ხელისუფლება არავის დაუდანაშაულებია, იზორიამ პროვოკაცია და ომის პროპაგანდა უწოდა. 
"თქვენ ძალიან პროვოკაციულ კითხვას სვამთ.  მე გთხოვთ, ჟურნალისტებს, ქალბატონო, თქვენ ამ ქვეყნის შვილი ხართ, ჟურნალისტი ხართ, რომელსაც ვალდებულება გაქვთ, ჩემთან ერთად პასუხისმგებლობა გაიზიაროს და ეს შედარებები, რასაც თქვენ აკეთებთ და ომისკენ ერთგვარ პროპაგანდას ეწევით, არის უპასუხისმგებლო კითხვაც და განცხადებაც," - განაცხადა თავდაცვის მინისტრმა.

ავტორი: ექსპრესნიუსი,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს