"ქართული ოცნების" ხელისუფლების სავიზიტო ბარათი მოსახლეობის ჯანმრთელობაზე ზრუნვაა,- ამის შესახებ პარლამენტის ჯანდაცვის კომიტეტის თავმჯდომარის მოადგილე დიმიტრი ხუნდაძემ განაცხადა. 

მისი თქმით, მიუხედავად იმისა , რომ ჯანდაცვაზე ხელმისაწვდომობა გაიზარდა, მედიკამენტების მაღალი ფასიდან გამომდინარე, ჯიბიდან დანახარჯები საკმაოდ მაღალი რჩება, რაც მძიმე ტვირთად  განსაკუთრებით პენსიონერებს, სოციალურად დაუცველ მოსახლეობას და შ შ მ პირებს აწვება. 

,,2013 წლის შემდეგ საყოველთაო ჯანდაცვის პროგრამის ამოქმედებამ მოქალაქეებს საშუალება მისცა, საჭიროების შემთხვევაში ესარგებლათ ჯანდაცვის მომსახურებით. მას შემდეგ, ქუჩაში ადამიანი უფულობის გამო აღარ იღუპება და უკანასკნელ ქონებას ბანკში აღარ ტოვებს. ამას მოჰყვა c ჰეპატიტის ელიმინაციის პროგრამა, რის გამოც საქართველო მსოფლიო ყურადღების ცენტრში მოექცა. პაციენტები ძვირადღირებული მედიკამენტებით მკურნალობას უფასოდ იტარებენ. ჯანდაცვის ხელმისაწვდომობის გაზრდის მიუხედავად, მედიკამენტების მაღალი ფასიდან გამომდინარე, ჯიბიდან დანახარჯები საკმაოდ მაღალი რჩება, რაც მძიმე ტვირთად განსაკუთრებით პენსიონერებს, სოციალურად დაუცველ მოსახლეობას და შ შ მ პირებს აწვება“,- აცხადებს დიმიტრი ხუნდაძე.

როგორც დეპუტატი აღნიშნავს, პრემიერის ინიციატივა სწორედ ამ სირთულის დასაძლევადაა მიმართული და  საკმაოდ დიდ შვებას მისცემს მათ, ვისაც ყველაზე მეტად სჭირდებათ სახელმწიფოსაგან დახმარება. ამ ინიციატივით ისინი, ქრონიკული დაავადების შემთხვევაში 35 დასახელების მედიკამენტს სიმბოლურ ფასად,1 ლარად მიიღებენ . ეტაპობრივად კი მედიკამენტებით უზრუნველყოფის პროგრამა გაფართოვდება და უფრო დიდ არეალს მოიცავს.

(NS)

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა