ხელისუფლება ცდილობს, ქვეყანაში ცენზურა დააწესოს და პოლიტიკურ პარტიებს გამოხატვის თავისუფლება შეუზღუდოს, – ამის შესახებ „ერთიანი ნაციონალური მოძრაობის“ წევრმა, თინა ბოკუჩავამ საარჩევნო კანონმდებლობის რეფორმის სამუშაო ჯგუფის შეხვედრის დაწყებამდე ჟურნალისტებს განუცხადა.

როგორც მან აღნიშნა, ახალი ცვლილებათა პაკეტი პოლიტიკურ პარტიებს საშუალებას არ აძლევს, რომ ოპონენტების წინააღმდეგ ანტირეკლამა გამოიყენონ.

„ხელისუფლება პირდაპირ ცდილობს დააწესოს ქვეყანაში ცენზურა და პოლიტიკურ პარტიებს გამოხატვის თავისუფლება შეუზღუდოს. ასევე, ფაქტობრივად შეზღუდოს მაუწყებლები, რადგან შედის რეკლამის შინაარსში, მათ შორის ანტირეკლამის ნაწილში, სადაც ზღუდავს პოლიტიკურ პარტიებს და აღარ აძლევს საშუალებას, რომ ანტირეკლამა გამოიყენონ ოპონენტების წინააღმდეგ. ეს პირდაპირ თავდასხმაა თავისუფალ სიტყვაზე. ყველაფერს გავაკეთებთ, რომ ოპოზიციურმა პარტიებმა ერთობლივი ძალებით, ისევე როგორც არასამთავრობო ორგანიზაციების მონაწილეობით, არ მივიღოთ ცვლილებები ასეთი ფორმით, რათა სიტყვის თავისუფლება ქვეყანაში დაცული იყოს“, - აღნიშნა ბოკუჩავამ.

ცნობისთვის, მმართველი გუნდის მიერ მომზადებული ცვლილებების თანახმად, პოლიტიკური პარტიის ანტირეკლამა სარეკლამო რგოლის 25%-ს არ უნდა აღემატებოდეს.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა