„თაროდან ჩამოაქვთ სისხლის სამართლის საქმეები იმ მოტივით, რომ კონკრეტულ სიტუაციაში ასეა საჭირო“, - ამის შესახებ "ევროპული საქართველოს" წევრმა ოთარ კახიძემ, სამტრედია-გრიგოლეთის გზის მშენებლობის დროს ფულის გაფლანგვის საქმეზე მიმდინარე გამოძიების ფარგლებში, ყოფილი პრემიერის, გიორგი კვირიკაშვილის გამოკითხვაზე შესაძლო დაბარებას.

კახიძე აღნიშნავს, რომ ეს საბჭოთა მეთოდია, როდესაც რეაგირება მოჰყვებოდა არა დანაშაულს, არამედ ამ დანაშაულის სიტუაციურ კონტექსტს.

"ამ შეკითხვებს "ევროპული საქართველო" მაშინ სვამდა, როდესაც კვირიკაშვილი და ქუმსიშვილი თანამდებობებზე იყვნენ, როდესაც ასეულობით მილიონის გაფლანგვასთან დაკავშირებით სერიოზული კითხვები არსებობდა. დღეს, როცა ამოწევენ თემას, ეს არის საბჭოთა პროკურატურის მუშაობის კლასიკური მეთოდი, როდესაც დანაშაულს კი არ მოჰყვება რეაგირება, არამედ ადამიანი არის ხოლმე სამიზნე და მერე იმ ადამიანს ამოუწევენ ხოლმე თემას, რომელიც იქამდე თაროზე უდევთ. ფაქტია, რომ 1 წლის წინ იყო კვირიკაშვილი გამოკითხული და ერთი წლის მერე, ახლა მიდის კვირიკაშვილი გამოკითხვაზე მეორედ. როცა თანამდებობაზე იყო, ამ კითხვაზე პასუხი იყო "მიმდინარეობს გამოძიება". ვიმეორებ, დანაშაულს კი არ მოჰყვება გამოძიება, არამედ თაროდან ჩამოაქვთ სისხლის სამართლის საქმეები იმ მოტივით, რომ კონკრეტულ სიტუაციაში ასეა საჭირო", - განაცხადა ოთო კახიძემ. 

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა