„თუ ეს საქმეები ახლა, საარჩევნო კალენდართან ახლო პერიოდში უნდა გაცოცხლდეს, რა თქმა უნდა, პოლიტიკურად მგრძნობიარე და პოლიტიკური ინტერესის მქონე საქმეებად იქნება აღქმული“, - ასე გამოეხმაურა დამოუკიდებელი დეპუტატი ეკა ბესელია ყოფილი პრემიერ-მინისტრის, გიორგი კვირიკაშვილის შესაძლო გამოკითხვაზე დაბარებას სამტრედია-გრიგოლეთის გზასთან დაკავშირებით.

ბესელიას თქმით, ამ ქმედებების საბოლოო ინტერესი არის ის, რომ 2020 წელს საარჩევნო გარემო მმართველი პარტიისთვის ხელსაყრელი იყოს.

„ყოფილი პრემიერის, გიორგი კვირიკაშვილის გადადგომის შემდეგ, მახსოვს, დაიწყო გამოძიება და იყო დაკითხვაზე დაბარებული რამდენიმე მინისტრი, თუ ეს საქმეები ახლა უნდა გაცოცხლდეს,  საარჩევნო კალენდართან ახლო პერიოდში ამ ტიპის მოქმედება, ერთიან ჭრილში თუ შევხედავთ სურათს, რა თქმა უნდა, პოლიტიკურად მგრძნობიარე და პოლიტიკური ინტერესის მქონე საქმეებად იქნება აღქმული. ეს აღქმული იქნება, როგორც პოლიტიკური მოტივით ნაკარნახევი ქმედებები, რომლის ინტერესი არის, რომ 2020 წლისთვის საარჩევნო გარემო იყოს მმართველი პარტიისთვის ხელსაყრელი, კონკურენტების გარეშე, რაც ძალიან ცუდი გზავნილია“, -განაცხადა ეკა ბესელიამ.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა