"ვფიქრობთ, მოსაგვარებელი პრობლემაა საარჩევნო უბნებთან შეკრებილი, ხელისუფლებასთან ალიანსში მყოფი კრიმინალური სამყაროს წარმომადგენლები, რომლებიც მორალურ ტერორში ამყოფებდნენ მათთვის არასასურველ ამომრჩევლებს", - ამის შესახებ  "ევროპული საქართველოს" წევრმა ოთო კახიძემ საარჩევნო კანონმდებლობის რეფორმის სამუშაო ჯგუფის შეხვედრაზე ჟურნალისტებს განუცხადა.

კახიძე  მიიჩნევს, რომ საარჩევნო კაბინაში მობილური ტელეფონის შეტანაც უნდა დარეგულირდეს, რადგან ბიულეტენისთვის სურათის გადაღებაც ზეწოლის ერთ-ერთი მექანიზმია.

"ბოლო არჩევნებისას, საარჩევნო უბნებთან ჩვენ ვხედავდით ხელისუფლებასთან ალიანსში მყოფ კრიმინალურ სამყაროს, რომლებიც მორალურ ტერორში ამყოფებდნენ მათთვის არასასურველ ამომრჩევლებს. ჩვენ ვთვლით, რომ ეს პრობლემაა მოსაგვარებელი, რომ საარჩევნო უბნის მიმდებარედ რადიუსი განისაზღვროს, სადაც შეკრება იქნება უბრალოდ აკრძალული, იმისთვის, რომ მოქალაქეებმა თავისუფლად გამოხატონ ნება. ასევე,სერიოზული პრობლემა იყო, როდესაც ამომრჩევლებს ეუბნებოდნენ, რომ გარკვეული კონფიგურაციით, ვიღაცას სამკუთხედით, ოთხკუთხედით შემოეხაზათ ბიულეტენი,  ვიღაცას ხელი მოეწერა ბიულეტენზე, ეს საკითხი იქნება პრობლემური. ასევე, მობილური ტელეფონით როცა აიძულებენ სურათი გადაუღონ ბიულეტენს. მობილური ტელეფონის შეტანასთან დაკავშირებით ვთვლით, რომ რაღაც უნდა შეიცვალოს უბნებზე. ჩვენ გვაქვს რიგი ინიციატივები, რომლებიც უზრუნველყოფს იმას, რომ ბიძინა ივანიშვილს, რომელიც ცდილობს უპირატესობა მოიპოვოს, მაქსიმალურად შეეზღუდოს ყველა ეს დარღვევის მაპროვოცირებელი ინსტრუმენტი", - განაცხადა ოთო კახიძემ.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა