„სასამართლომ გაიზიარა ჩვენი შუამდგომლობა, რომ საქმეზე შეკრებილი მტკიცებულებები საკმარისია დასაბუთებული ვარაუდისთვის, რომ სწორედ ბადრი ჯაფარიძემ და მამუკა ხაზარაძემ ჩაიდინეს მათ მიმართ ბრალად შერაცხული ქმედება“, - ამის შესახებ ხაზარაძე-ჯაფარიძის საქმის პროკურორმა არჩილ ტყეშელაშვილმა სასამართლოს დასრულების შემდეგ განაცხადა.

პროკურორმა აღნიშნა, რომ მისთვის გაუგებარია, რატომ შეუფარდა სასამართლომ ბრალდებულებს აღკვეთის ღონისძიების სახით  არა 1 მილიონი, არამედ 700 000 ლარი.

„სასამართლომ გაითვალისწინა ჩვენი მოთხოვნა იმის თაობაზე, რომ  ბრალდებულებს,-  მამუკა ხაზარაძეს და ბადრი ჯაფარიძეს აეკრძალათ საქართველოს საზღვრის დატოვება საგამოძიებო ორგანოს შეტყობინებისა და ნებართვის გარეშე. სასამართლომ გაიზიარა, რომ საქმეზე შეკრებილი მტკიცებულებები საკმარისია დასაბუთებული ვარაუდისთვის, რომ სწორედ ბადრი ჯაფარიძემ და მამუკა ხაზარაძემ ჩაიდინეს მათ მიმართ ბრალად შერაცხული ქმედება,  კერძოდ, უკანონო შემოსავლის ლეგალიზაცია, რასაც თან ახლდა განსაკუთრებულად დიდი ოდენობის შემოსავლის მიღება. რაც შეეხება გირაოს შუამდგომლობას, სასამართლომ ნაწილობრივ გაითვალისწინა ჩვენი შუამდგომლობა გირაოს შეფარდების თაობაზე, მილიონის ნაცვლად შეეფარდათ 700 000 ლარი. თუ რას ეფუძნება სასამართლოს ეს მიდგომა, ჩვენთვის ამჯერად უცნობია, ვინაიდან  განჩინების დასაბუთებული ნაწილი არ გადმოგვცემია. როდესაც გადმოგვეცემა განჩინება  და გავეცნობით, მივიღებთ გადაწყვეტილებას გასაჩივრების თაობაზე“, - განაცხადა პროკურორმა.

ჟურნალისტების კითხვაზე, თუ ვინ არის ამ საქმეში დაზარალებული, პროკურორი აცხადებს, რომ ეს „თიბისი ბანკია“.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა