"თიბისი ბანკის" დამფუძნებელი მამუკა ხაზარაძე ქვეყანაში არსებულ ვითარებას ჭაობს ადარებს. 

ხაზარაძის მტკიცებით, უახლოეს მომავალში ის საზოგადოებრივ მოძრაობას ჩამოაყალიბებს, რომელიც ქვეყნის განვითარებაზე იქნება ორიენტირებული. ბიზნესმენმა პირობა დადო, რომ ის ბოლომდე იბრძოლებს და სისტემას შეცვლის. 

"დღეს კარგად დავინახე, რომ ქვეყანა ჭაობშია. ეს არის კატასტრიფა, ეს ნიშნავს იმას, რომ ქვეყანა არ გვაქვს. ინსტიტუციები მოშლილია. აქედან გამომდინარე მინდა გითხრათ, რომ ეს ინსტიტუციები არის თავიდან ასაშენებელი. ახლა გესაუბრებით, როგორც მამუკა ხაზარაძე. ძალიან მიხარია ის გადაწყვეტილება, რომ სულ რაღაც ერთი კვირის წინ გამოვაცხადე ორგანიზაციის დაფუძნება, საზოგადოებრივი მოძრაობის, რომელიც იქნება ძალიან აქტიური, დიდი და მის გეგმებს მალე გაიგებთ. აქ იქნება აბსოლუტურად ახალი თაობა, პროფესიონალური ძალა, რომელსაც უყვარს საქართველო, ვინც თავისუფლებისთვის იბრძვის, ვისაც არ უნდა რუსული ორიენტაცია, ვინც ებრძვის ოკუპაციას და ვისაც უნდა, რომ საქართველო ერთხელ და სამუდამოდ შედგეს წარმატებულ ქვეყნად. იქ ნეპოტიზმს, კლანურ ან ერთპიროვნულ მმართველობას არ ჰქონდეს ადგილი. დღეს ჩვენ ვართ სიტუაციაში, სადაც ერთი პირი მართავს ქვეყანას, ინსტიტუციების გარეშე, თქვენ იცით, ვინ არის ეს ერთი პირი, ის არის დირიჟორი და ჰყავს ძალიან ცუდი შემსრულებლები. გპირდებით, რომ ეს ბრძოლა გაგრძელდება ბოლომდე. იმათგან განსხვავებით, მე პიროვნულად კი არ მაქვს ბოღმა ჩადებული გულში. ამ ბრძოლას გავაგრძელებ ჩემს მეგობრებთან ერთად, რომ ეს ჭაობი შეიცვალოს. ეს სისტემა ძალიან მალე დაინგრევა, ამის პირობას გაძლევთ. ის მოტყუებული ხალხი, რომელმაც ვიფიქრეთ, რომ 2012 წელს ქვეყანაში რაღაც შეიცვალა, მივიღეთ მეორე უკიდურესობა. ორი უკიდურესობის მსხვერპლი აღმოვჩნდით", - განაცხადა მან. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა