"დღეს კარგად დავინახე, რომ ქვეყანა ჭაობშია",- ამის შესახებ "თიბისი ბანკის" დამფუძნებელმა მამუკა ხაზარაძემ სასამართლო სხდომის დასრულების შემდეგ განაცხადა. 

ხაზარაძემ პროკურატურის მუშაობა ნეგატიურად შეაფასა და აღნიშნა, რომ საგამოძიებო უწყება უცოდინრობის პიკზეა. 

"არის ასეთი გამოთქმა, ზოგი ჭირი მარგებელია. საბედნიეროდ თუ საუბედუროდ, არ ვიცი, ალბათ უფრო საბედნიეროდ, დღეს ვიყავი აქ და კარგად დავინახე, თუ რა ჭაობშია ქვეყანა. ამას მთელი პასუხისმგებლობით ვამბობ, როგორც "თიბისი ბანკის" თავმჯდომარე ან ანაკლიის მმართველი საბჭოს თავმჯდომარე. მანამდე თავშეკავებული ვიყავი შეფასებებში, გამომდინარე იქიდან რომ ჩემს უკან მთელი სტრუქტურა დგას, ათასობით თანამშრომელი, ბანკი, პარტნიორი. ამიტომ ყოველთვის ვცდილობდი არ გადამელახა ზღვარი, არ მეთქვა ის რაც გულში მქონდა. მნიშვნელოვანია შენი პოზიციის და აზრის გამო, ვინმეს ინტერესი არ დააზიანო. დღეს, დავინახე სრული ჭაობი და კარგია, რომ ეს საკუთარ თავზე შევიგრძენი. მე დავინახე უცოდინრობის პიკი პროკურატურის მხრიდან. მე ეს ადამიანები გულრწფელად მეცოდებიან. ერთ-ერთი გოგონა, პროკურორი, რომელსაც შეუძლია 5-წუთიანი ბრიფინგით საქართველოს ეკონომიკას ცელი გამოუსვას და მილიარდობით ზარალი მიაყენოს, ამაზე სირცხვილის გრძნობა არ აქვს და მას და მის ხელმძღვანელებს არავინ არ მოსთხოვს პასუხს", - განაცხადა მამუკა ხაზარაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა