ჩვენი სამინისტრო არა მხოლოდ ეკონომიკური პოლიტიკის გამტარებელი, არამედ სახელმწიფო სერვისების გამცემი უწყებაცაა. ამიტომ ანალიზის შედეგად განვსაზღვრეთ რამდენიმე სფერო, სადაც სინერგიისა და ინტეგრირების გზით წავედით და მიგვაჩნია, რომ ამით, რომ დავაჩქარებთ ინვესტიციების მოზიდვის პროცესს," - განაცხადა ეკონომიკისა და მდგრადი განვითარების მინისტრმა ნათია თურნავამ საქართველოს ბიზნეს ასოციაციის წევრებთან შეხვედრაზე.

მინისტრის განცხადებით, „ერთი ფანჯრის პრინციპი" არ არის ლოზუნგი. ჩვენ ვამუშავებთ ინტეგრირებული ნებართვებისა და ლიცენზიების კონცეფციას, რომელიც ბიზნესს შეუმცირებს ურთიერთობას სახელმწიფოსთან ნებართვების მიღების კუთხით და დაეხმარება, უფრო სწრაფად მიიღოს გადაწყვეტილება ინვესტიციის განხორციელების მიმართულებით.  ნათია თურნავამ რამდენიმე სერვისის სინქრონულად გაცემის შესაძლებლობაზე გაამახვილა ყურადღება. მისი თქმით, საბადოების დამუშავების ლიცენზიების მიღების პარალელურად პირი, რომელიც მოიპოვებს ლიცენზიას, ექნება უფლება პირდაპირი შესყიდვის ფორმით გამოისყიდოს მიწაც.

მსგავსად, ერთიანი პაკეტით იქნება შესაძლებელია სახელმწიფო მიწის შესყიდვასთან ერთად სამშენებლო ნებართვის მიღებაც, რომელიც ინვესტორს მისცემს შესაძლებლობას უკეთ გათვალოს თავისი საინვესტიციო ვალდებულება. მსგავსი მიდგომა იქნება ჰიდროელექტროსადგურების მშენებლობის კუთხითაც - გაიცემა ერთიანი მემორანდუმი, სადაც გაერთიანდება ინვესტორის უფლება მიწაზე და ენერგოობიექტზე სამშენებლო ნებართვა.

მინისტრის განცხადებით, ასევე განხორციელდა სახელმწიფო სერვისების ხარისხის, ხელმისაწვდომობისა და ვადების ოპტიმიზაცია. მან ასევე ყურადღება გაამახვილა სერვისების გაციფრულების პროგრამაზე, რომელიც წარმატებით ხორციელდება ეკონომიკისა და მდგრადი განვითარების სამინისტროში შემავალ სსიპ-ებში.

კიდევ ერთი მნიშვნელოვანი პროექტი, რომელზეც მინისტრმა გაამახვილა ყურადღება, ბიზნეს სახლის ვირტუალურ ვერსიაც შეეხებოდა. ნათია თურნავას განცხადებით, აღნიშნული სერვისების მიღების შესაძლებლობა შესაძლებელი იქნება საქართველოს ყველა დასახლებულ პუნქტში.

(NS)

ავტორი: ექსპრესნიუსი,

სოციალური ქსელები

მეორადი ჩარიცხვების მსურველთა 27% სტუდენტი მაინც ვერ გახდა

$47 000 მოსთხოვა, დაემუქრა მოკვლით – პროკურატურამ გიორგი ფეიქრიშვილს ბრალი წარუდგინა

იანვარ-აგვისტოში უბილეთო მგზავრობის ჯარიმებიდან ბიუჯეტში 2 331 785 ლარი შევიდა

პროკურატურამ დავით ფეიქრიშვილსა და კიდევ ერთ პირს ჯგუფური ხულიგნობისთვის ბრალი წარუდგინა