„ევროპული საქართველოს“ წევრი  სერგი კაპანაძე მიიჩნევს, რომ განცხადებები სპეცრაზმელების მიერ აქციის დაშლისას თვითნებური გადაწყვეტილებების მიღების თაობაზე, „სიტუაციიდან გამოძრომის მცდელობაა“. 

კაპანაძის მოსაზრებით, ხელისუფლება გამოძიებას ბოლომდე არ მიიყვანს.

„გახარია ცდილობს, რომ  გაექცეს პასუხისმგებლობას და  ჯოხი გადატეხოს სპეცრაზმელებზე. ასევე, იმ ნარატივის განვითარება, რომ არავის ბრძანება არ ყოფილა და ასე სპეცრაზმი  თავისით იქცეოდა, არის სრული კატასტროფა.  გამოდის, რომ სპეცრაზმს შეუძლია მთელი ღამის განმავლობაში, რამდენიმე ათასი ტყვია ისროლოს და არავინ არც კი დაინტერესდება და არავინ არ გააუქმებს ამ ბრძანებას?! ეს არის გამოძრომის მცდელობა, რომელიც, ჯამში, წარუმატებლად დამთავრდება. უბრალოდ, სირცხვილია ასეთი საქციელი. ამას სჯობს, მართლა აიღოს [შს მინისტრმა]  პოლიტიკური პასუხისმგებლობა, გადადგეს და მერე დაელოდოს ყველა ერთად გამოძიებას, რომელსაც ეს ხელისუფლება არ მიიყვანს ბოლომდე, მაგრამ შემდეგი მიიყვანს“, - განაცხადა სერგი კაპანაძემ. 

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა