სამტრედიის მუნიციპალიტეტის, სოფელ მელითაურის რწმუნებულის სოფიკო კიკაჩეიშვილის პრორუსულსა და ჰომოფობიურ გაცხადებებს სამტრედიის მერი ვალერი ფოცხვერია გამოეხმაურა.

 როგორც სამტრედიის მერმა აღნიშნა, პოლიტიკური შეხედულებების გამო ადამიანებს ვერ გაათავისუფლებს.

„სოფიკო კიკაჩეიშვილი არის ძალიან კარგი წარმომადგენელი. მასზე დაკისრებულ მოვალეობას კარგად ასრულებს. რაც შეეხება, პოლიტიკურ განცხადებებს, ახლა მე სოციალურ ქსელს ასე არ ვადევნებ თვალს. არ ვიცი, ზოგს რუსეთი მოსწონს, ზოგს ამერიკა. ეს არის მისი გადასაწყვეტი. პოლიტიკური შეხედულებების გამო ადამიანებს ჩვენ ვერ ვათავისუფლებთ“, - განაცხადა სამტრედიის მერმა.

შეგახსენებთ, რომ სოფიკო კიკაჩეიშვილის პრორუსული განცხადებებისა და რუსთაველის გამზირზე მიმდინარე საპროტესტო აქციის მონაწილეთა მიმართ გამოთქმული შეურაცხმყოფელი ტერმინოლოგიის გამო, სამტრედიის საკრებულოს სხდომაზე ენმ-ს წარმომადგენელმა მამუკა ბიბილეიშვილმა სოფიკო კიკაჩეიშვილის თანამდებობიდან გადაყენება მოითხოვა, რასაც მათ შორის სიტყვიერი დაპირისპირება მოჰყვა.

აღნიშნულის ამსახველ ვიდეო-მასალას ენმ-ს წევრი ფარნაოზ ჭკადუა facebook-ის საკუთარ გვერდზე გაავრცელა.

 ვიდეოში ისმის, თუ როგორ კამათობენ სოფიკო კიკაჩეიშვილი და „ნაციონალური მოძრაობის“ წარმომადგენლები. ოპოზიცია კიკაჩეიშვილის „ქართული ოცნების“ სახედ მოიხსენიებს რაზეც კიკეჩაშვილი მათ „მკვლელებს“ უწოდებს და აღნიშნავს, რომ „რუსეთი მოსწონს“.  „ენა გააჩუმე, არ გადამრიო... შენ როგორ ლაპარაკობ ადამიანის უფლებებზე. შენ მკვლელო შენ. მთელი ჩვენი სოფელი ჩახოცე... რა სახე, რა ხელებს მიშლი, უზრდელი ეს. რას გავდით საერთოდ, თუ გქონდათ ან სოფელი ან ქალაქი. ვაზაგაშვილის, გირგვლიანის სულს, რას პასუხობთ, არაკაცებო თქვენ.  მკვლელებო თქვენ. მე ჩემს სამსახურებრივ მოვალეობას 10-იანზე ვასრულებ და მაქვს, ჩემი აზრი. ცისფერები, ლეზბიანკები, პიდარასტები ყავენ იქ და „ნაციონალები“. რა გაცინებთ, სამარცხვინოები ხართ... ვინ არის იქ ნორმალური, სამარცხვინოები ხართ. ვენაცვალე გახარიას. ჩემი შვილი იქ ვერ გაბედავდა გასვლას. რუსეთი კარგი რომაა ის რომ ვთქვი, მაგიტომ ვარ.... თურქეთთან ნაკლები ურთიერთობა გვქონდა? ისტორიას გადახედე“... - მიმართა კიკეჩაშვილმა ოპოზიციას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროდუქტებზე ფასდაკლების პორტალი Ekalata.gov.ge უკვე Android-ისა და iOS-ის მობილურ აპლიკაციებშია ხელმისაწვდომი

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება

შსს მიშო სულუხიას წარსულში ნასამართლეობაზე ამახვილებს ყურადღებას, რაც მისი ჩხრეკის მიზეზი იყო

დანიამ რუსეთი დანიური იარაღის მწარმოებლების წინააღმდეგ დივერსიული კამპანიის დაწყებაში დაადანაშაულა