პარლამენტის ყოფილმა თავმჯდომარემ ირაკლი კობახიძემ რუსი დეპუტატის, სერგეი გავრილოვის ქცევას საქართველოს პარლამენტში პროვოკაციული უწოდა.

 კობახიძემ აღნიშნა, რომ პროვოკაციის რისკები აწონ-დაწონეს, თუმცა ყველაფერი ბოლომდე ვერ გაითვალისწინეს.

„რაც შეეხება გავრილოვთან ფოტოს გადაღებას, - თითოეული ჩვენგანი იყო იმ მიღებაზე რომელიც გაიმართა და როდესაც დგახარ და ამ დროს მოდის კონკრეტული სტუმარი, ვინც არ უნდა იყოს, ბუნებრივია, ვერ გაიქცევი იმ ადგილიდან. სამწუხაროდ, ესეც იყო ერთგვარი პროვოკაცია, როგორიც ჩვენ ვიხილეთ მეორე დღესაც. იყო პროვოკაციები, ჩვენ გვქონდა ამ პროვოკაციებზე ოპოზიციასთანაც საუბარი, იმ რისკებთან დაკავშირებით, რომელიც საქართველოში ამ ასამბლეის ჩატარებას შეიძლებოდა მოჰყოლოდა, რადგანაც ასამბლეის პრეზიდენტი იყო რუსი. ეს რისკები გვქონდა აწონ-დაწონილი და ზომებიც მივიღეთ, განსაკუთრებით, პირველ დღეს, როდესაც იმართებოდა ღონისძიებების გახსნა, თუმცა, სამწუხაროდ, აღმოჩნდა ისე, რომ 100 %-ით რისკებისგან თავის დაზღვევა შეუძლებელი აღმოჩნდა. ეს შეგნებული ნაბიჯი იყო თუ არა შეგნებული, შინაარსობრივად ეს პროვოკაციული ნაბიჯი იყო. ყველამ იცის რა არის კონტექსტი და, ბუნებრივია, სტუმარმა და მასპინძელმაც ამ კონტექსტის გათვალისწინებით უნდა იმოქმედოს. სამწუხაროდ, ეს კონტექსტი არ ან ვერ გაითვალისწინა ჩვენმა სტუმარმა", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

პროდუქტებზე ფასდაკლების პორტალი Ekalata.gov.ge უკვე Android-ისა და iOS-ის მობილურ აპლიკაციებშია ხელმისაწვდომი

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება

შსს მიშო სულუხიას წარსულში ნასამართლეობაზე ამახვილებს ყურადღებას, რაც მისი ჩხრეკის მიზეზი იყო

დანიამ რუსეთი დანიური იარაღის მწარმოებლების წინააღმდეგ დივერსიული კამპანიის დაწყებაში დაადანაშაულა