"სამწუხაროდ, უნდა ვაღიაროთ, რომ ბოლო დღეებში განვითარებულმა მოველენებმა, ნეგატიური ზემოქმედება მოახდინა ეკონომიკაზე, ეს არის ფაქტი", - ამის შესახებ პრემიერ-მინისტრმა მამუკა ბახტაძემ ბოლო დღეების განმავლობაში ეროვნული ვალუტის მკვეთრ გაუფასურებასთან დაკავშირებით განაცხადა. 

ამასთან, როგორც ბახტაძემ აღნიშნა, ვეყანა არის სტაბილური განვითარების კალაპოტში და ეროვნული ვალუტის დასტაბილურება მოხდება. 

"ამასთან ერთად, ბუნებრივია ნეგატიურ მოლოდინებზე მნიშნელოვნად აისახა ის გადაწყვეტილება, რომელიც უკავშირდება პირდაპირი ფრენების აკრძალვას და ტურისტების რაოდენობას რუსეთის ფედერაციიდან საქართველოში, მაგრამ ამავე დროს, ეს კიდევ აჩვენებს, რომ ჩვენ გვაქვს საქმე ისეთ საკითხებთან, რომელიც არის მოკლევადიანი და დროებითი. ეს ყველაფერი დამშვიდდება, ქვეყანა არის სტაბილური განვითარების კალაპოტში და ამავე დროს, თითოეული ფუნდამენტური ფაქტორი ჩვენს ეკონომიკაში, რომელიც განსაზღვრავს ეკონომიკის მდგრადობას, არის საკმაოდ კარგ ნიშნულზე. შესაბამისად, ჩემი დასკვნა ასეთია, სამწუხაროდ ამ პროცესებმა ნეგატიური დისონანსი შეიტანა ეკონომიკურ ცხოვრებაში, მაგრამ ამავე დროს, მაკროეკონომიკურ ფაქტორები არის საკმაოდ ჯანსაღი და შესაბამისად, ჩვენ რაღაც მნიშვნელოვან ცვლილებებს ამ თვალსაზრისით არ ველოდებით. რა თქმა უნდა ეს ნიშნავს იმას, რომ ჩვენ უფრო აქტიურად უნდა ვიმუშაოთ იმ პრობლემების მოგვარებაზე, რომელიც შეგვექმნა ამ მოკლევადიან პერიოდში. ამავე დროს, უფრო ეფექტურად უნდა დავნერგოთ სამთავრობო პროგრამა, რომელიც ითვალისწინებს იმას, რომ საქართველო იყოს ნაკლებად მოწყვლადი. ჩვენ რეალობას ვუსწორებთ თვალს და ვეთანხმებით, რომ ბოლოდროინდელ მოვლენებმა ნეგატიური ფონი შექმნა ჩვენს ეკონომიკაში", - განაცხადა მამუკა ბახტაძე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ