ჩინჩალაძის ძმაკაცმა მოსამართლემ პოლიტიკური გადაწყვეტილება მიიღო, - ასე გამოეხმაურა „ნაციონალური მოძრაობის“ წევრი, ნიკა მელია თბილისის საქალაქო სასამართლოს გადაწყვტილებას, რის მიხედვითაც მას გირაო შეეფარდა.

მელიამ საპარლამენტო უმრავლესობის იმ წევრებს მიმართა, ვინც გუშინ მის სადეპუტატო მანდატის შეჩერებას მხარი დაუჭირა.

„სასამართლო სხდომის დაწყებისთანავე მე მოსამართლეს ვუთხარი პირდაპირ, რასაც ვფიქრობდი ამ სასამართლოზე. რა გადაწყვეტილებაც არ უნდა მიიღო მეთქი, ეს იქნებოდა პოლიტიკური გადაწყვეტილება. იქნება პატიმრობა, ეს იქნება პოლიტკური გადწყვეტილება, იქნება რამე სხვა აღკვეთი ღონისძიება, ეს იქნებოდა პოლიტკური გადაწყვეტილება. მე გუშინ 92 დაჩოქილი დეპუტატი დავინახე, რომელიც ვითომ ამსჯელეს მთელი დღის განმავლობაში, რომ მელია არის დამნაშავე და მტკიცებულებები არის საკმარისი. მხოლოდ იყო რამდენიმე ვაჟკაცი დეპუტატი „ქართული ოცნებიდან“. დღეს კი შეიცვალა ვითარება და იმ საფრთხეების წინაშე დადგა ბიძინა ივანიშვილი, რომ ამჯობინა, ის რაც ახლა გააკეთებინა ჩინჩალაძის ძმაკაცს. ეს არი არის კოლეგიის მოსამართლე, ეს არის ჩვეულებრივი კოლეგიის თავმჯდომარე.

მივმართავ იმ 92 დეპუტატს, აბრძანდით ახლა და მიბრძანდით თქვენს მეგობარ ბიძინა ივანიშვილთან, რა გაგიკეთათ. გაგაშიშვლათ,ღირსება აგყარათ, დაგამცირათ, მე მრცხვენია თქვენს ნაცვლად“, - აღნიშნა ნიკა მელიამ.

ცნობისთვის, თბილისის საქალაქო სასამართლომ "ნაციონალური მოძრაობის" წევრ ნიკა მელიას აღკვეთის ღონისძიების სახით 30 000-ლარიანი გირაო შეუფარდა. მოსამართლე თემურ გოგოხიამ პროკურატურის შუამდგომლობა არ დააკმაყოფილა. სასამართლოს გადაწყვეტილებით, მელიას პასპორტიც ჩამოართვეს. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს